Ч.ОЛДОХ

АН-ын тамганы маргааныг Дээд шүүх   хөөрөгдөж байсан гэж өмгөөлөгч Г.Батбаяр хэлэв.   АН-ын  тамганы маргаан болон  бусад асуудлаарх эрхзүйн актууд дээр ажиллаж байгаа тэрбээр мөн УИХ-ын гишүүн Ц.Тувааныг болон нэр бүхий нэг даргыг эргүүлэн татуулахаар Үндсэн хуулийн цэцэд хандсан гэв.

2020 оны арванхоёрдугаар  сарын 25-ны өдрөөс эхлэн С.Эрдэнэд олгосон 9020 дугаартай тамгыг хүчингүй болгох, мөн Ц.Туваанд хадгалагдаж байсан гэх 111 тоот тамгыг хүчингүй болгосон захигргааны актыг сэргээх маргаан Захиргааны хэргийн шүүхэд жил тойрон явагдаж ирсэн.  2022 оны хоёрдугаар  сарын 16-ны өдөр тамгыг олгосон болон хүчингүй болгосон захиргааны актуудыг түдгэлзүүлэх иргэн Ц.Тувааны  хүсэлтийг  хэрэгсэхгүй болгосон шийдвэр гарсан юм.

Дээрх  шийдвэр нь   УИХ-ын гишүүн Ц.Туваанд байгаа 111 тоот тамга ашиглагдах ямар ч боломжгүй болсныг харуулж байгааг өмгөөлөгч Г.Батбаяр, АН-ын Ерөнхий нарийн бичгийн дарга Ч.Өнөрбаяр  нар хэлж байгаа юм.  Үүнийг Ц.Тувааны  хуульчид болон бусад хүмүүс мэдэхийн дээдээр мэдэж байгаа. Ийм атал намын шинэ даргыг сонгох, дотоод сонгуулийн хорооны сунгаа гэгчийг зарлан хуралдуулж байгаа нь хууль  зөрчиж байна. Эрүүгийн хуулийн 22-ын 12.1-д  заасан хуулийн этгээд, албан тушаалтан албан тушаалаа урвуулан ашиглах гэсэн гэмт хэргийн хэв шинжийг  агуулж байж болзошгүй гэж үзэн АТГ-т хандах эрхийг нээж өгч байна. Энэ хүрээнд бид өнөөдрийг хүртэл хүлээцтэй хандаж ирсэн.  Янз бүрийн байдлаар хууль буруу тайлбарлан хууль мэдэхгүй бусад этгүүдийг хөөрөгдөн АН-ын гишүүдийн дунд төөрөгдөл үүсгэж байгаа зохисгүй байдлаа зогсоохыг шаардсан ч зогсоохгүй байна. Үүнийг нь Улсын дээд шүүхийн шүүгчид хөөрөгдөж байгаа байдал ч  байгаа. Иймд Д.Ганзориг  шүүгч дээр гомдол гаргасан байгаа. Шүүгч зөвхөн хуульд захирагдсан гэсэн үүргээ биелүүлэхгүй байна.  Мөн  Ц.Тувааныг болон нэр бүхий нэг даргыг эргүүлэн татуулах асуудлаар АН-аас  ҮХЦ-д хандсан гэв.

Эх сурвалж: www.polit.mn