Ч.ОЛДОХ

АН-ын дотоод сонгуулийн хорооны дарга Х.Алтанхуяг  “Ардчилсан намын дотоод сонгуулийн хорооноос ямар нэгэн даргын сунгаа зарлаагүй. Олон нийтийн мэдээллийн хэрэгслээр иргэн н.Мөнхжаргал худал мэдээ тарааж байна. Иймд бид хариу мэдэгдэл гаргасан. Ирэх сард багтаан намын ээлжит бус хурлыг зарлан хуралдуулах ч намын даргын сунгаа болохгүй”  хэмээн мэдээллээ.

Тус намын Үндсэн дүрмийн 5.22-ын 5.1 -д зааснаар “Дотоод сонгуулийн хороо нь тухайн их хурлыг зохион байгуулна” гэж заасан байдаг юм байна.  Энэ сарын  16-ны өдөр  АН-ын тамганы асуудлаарх шүүх  хурал болсон.  Шүүх хурлаар  Ц.Тувааны нэхэжлэлтэй   тамганы асуудал нэг мөр шийдэгдсэн. Ингэхдээ Ц.Туваанд байгаа  тамга хүчингүй.  Харин С.Эрдэнийн  тамга хүчинтэй гэсэн шийдвэр эцэслэн гарсан юм.  Тэгвэл энэ  хурлаас хойш дотоод сонгууль ч, намын даргын сунгаа  ч хүчин төгөлдөр бус тэмдгээр явбал  асуудал хуулийн  хүрээнд яригдах,  магадгүй эрүүгийн хариуцлага хүлээх хуулийн заалттайг  Х.Алтанхуяг хэлэв. Мөн тэрбээр “Үүнийг хууль бус сонгууль, сунгаа  явуулах гээд байгаа этгээдүүдэд мэдэгдэх нь зүйтэй. Дотоод сонгуулийн хорооноос анхааруулга,  мэдэгдэл гаргасан. Ямар нэгэн намын даргын сунгаа зарласан  байхгүй гэдгийг баттай хэлье” гэсэн юм.

Эх сурвалж: www.polit.mn