Д.ДАРАМБАЗАР
Хүннү рок урсгалын төлөөлөл "The Hu" хамтлагийн аялан тоглолтын хуваарь гарчээ. Анхны аялан тоглолтоо өмнөх оны есдүгээр сард эхлүүлсэн бол ирэх сард болох "Coachella-2022" хөгжмийн наадамд оролцохоор бэлтгэлээ базааж буй юм. Улмаар дөрөвдүгээр сарын 15-наас тавдугаар сарыг дуустал Хойд Америкаар тойрон тоглох төлөвлөгөө гаргасан байна. Тэдний хувьд 2019-2021 онд амжилт, бүтээлээр арвин өнгөрүүлж Европыг байлдан дагуулсан юм.
Түүнчлэн тус хамтлаг одоогийн байдлаар 13 оронд 23 тоглолтоо хийсэн бол Хойд Америкийн нутгаар 90 хоногийн турш аялан, 56 хотоор 60 гаруй тоглолт хийжээ. Мөн “The Hu” хамтлагийн гаргасан шинэ дуунуудыг “iTunes store”-оос хамгийн их татан авснаар шилдэг 100 рок дууны чартыг тэргүүлж, “Billboard” чартад орсон амжилтыг өнгөрсөн хугацаанд гаргасан юм.
Эх сурвалж: www.polit.mn