“Зууны мэдээ” сонин 2021 онд Монгол улсын төр, нийгэм, соёл урлаг, шинжлэх ухааны салбарт энэ зуунд ажил үйлс, амжилт бүтээлээрээ олон түмнээ манлайлж яваа хүмүүс, алдартнуудыг “Зууны хүн” булангийнхаа зочноор урьж оролцуулсан билээ. Тэр хүндтэй зочдын маань нэг Монгол Улсын гавьяат эмч, анагаахын шинжлэх ухааны доктор, профессор, академич Нямдаваа эмчийн мэргэжил эзэмшснээсээ хойш анагаах ухаандаа дэлхийн хэмжээний мэргэдийн тоонд багтах хүртлээ ард олныхоо эрүүл мэндийн манаанд чандлан зогсож яваа хүн юм. Энэ эрхмийн ажил амьдрал, дэлхийд тоогдсон олон арван бүтээлийн тухай Соёлын гавьяат зүтгэлтэн, сэтгүүлч Д.Цэрэннадмидын бичсэн “Дэлхийд танигдсан эрдэмтэн Пагважавын Нямдаваа. Нэртэй хөрөг нийтлэлийг сонсгоё. Их эрдэмтэн Нямдаваа саяхан Монгол Улсын Хөдөлмөрийн баатар болсон юм.