С.САРУУЛ

Автозамын түгжрэлийг бууруулахын тулд зарим сургуулийн хичээлийн хуваарьт өөрчлөлт оруулах тухай санал гаргаад байна. Өөрөөр хэлбэл, төрийн болон төрийн өмчит бус сургуулийн хичээлийг 07:45 болон 08:15 цагт эхлүүлж, 30 минутын зөрүүтэй болгосноор түгжрэлийг бууруулна гэж үзэж байгаа аж. Тэгвэл сурагчдын хичээл эхэлснээс хойш буюу долоо хоногийн дараа 59 сургуулийн цагийн хуваарьт өөрчлөлт оруулах зохицуулалтыг хэрэгжүүлэхээр төлөвлөснийг Нийслэлийн боловсролын газраас мэдэгдлээ.

Дээрх 59 сургуульд төрийн өмчит 23, төрийн өмчит бус 36 сургууль  хамрагдаж байна. Учир нь, эдгээр сургуульд нийт 85207 хүүхэд суралцдагаас 23952 нь хувийн унаагаар зорчиж байна гэсэн судалгаа гарчээ. Хэрэгжиж эхэлбэл 59 сургуульд сурдаг сурагчдын эцэг эх, албан хаагчдын цагийг уян хатан зохицуулахаар ярьж байгаа аж

Эх сурвалж: www.polit.mn