Зууны мэдээ-Зууны хүн подкаст

“Зууны мэдээ” сонин 2021 онд Монгол Улсын төр, нийгэм, соёл урлаг шинжлэх ухааны салбарт энэ 21 дүгээр зуундаа ажил үйлс, авьяас чадвар, амжилт бүтээлээрээ манлайлж яваа хүмүүс, алдартнуудыг “Зууны хүн” хэмээх хүндтэй булангийнхаа зочноор урж оролцуулсан билээ. Тэдний нэг нь хүн төрөлхтний түүхэнд сансар судлалын шинжлэх ухааны гайхамшгийг мэдрүүлж Монголоос анх удаа сансарт цойлон ниссэн зоригт хөвүүн, Монгол Улс, Зөвлөлт Холбоот Улсын Баатар, сансрын нисэгч, төрийн эрхмийн дээд шагнал “Чингис хаан”-ы одонт Жүгдэрдэмидийн Гүррагчаа байлаа. Түүний тухай “Сансарт цойлсон монгол хүү Жүгдэрдэмидийн Гүррагчаа” хэмээх хөрөг нийтлэлийг Соёлын гавьяат зүтгэлтэн, сэтгүүлч Дуламын Цэрэннадмидын бичснээр сонсогч түмэндээ хүргэж байна.