• Зууны мэдээ сонин онлайн захиалга

Япон улс визний хоригоо хоёрдугаар сарыг дуустал сунгалаа

З.БАТЦЭЦЭГ

 

Японы эрх баригчид омикрон вирус тархах аюулын улмаас дэлхийн бүх улсын иргэдэд шинээр нэвтрэх виз олгохыг хориглосон хугацааг хоёрдугаар сарын сүүлч хүртэл сунгалаа. Энэ тухай ерөнхий сайд Фумио Кишида мэдэгдэв. Одоогоор тус улсад зөвхөн Япон улсын иргэд, итгэмжлэгдсэн дипломатууд болон урт хугацааны болон байнгын оршин суух зөвшөөрөлтэй гадаадын иргэд л нэвтрэх боломжтой байна. Японд хилийн чанадаас ирсэн бүх иргэдийг хатуу хөл хорионд хамруулна.

Гадаадад яваагүй Японы иргэнээс "омикрон" илэрсэн гэж өмнө нь мэдээлж байсан. Осака хотод ийм тохиолдлууд бүртгэгджээ. Нийтдээ арванхоёрдугаар сарын эцсийн байдлаар тус улсад COVID-19-ийн шинэ хувилбараар халдварласан 90 орчим тохиолдол бүртгэгдсэн байна.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.