С.САРУУЛ

Улаанбаатар хотын тогтвортой авто зам, тээвэр төслийг Дэлхийн банкны группийн Олон улсын сэргээн босголт, хөгжлийн банкны 100 сая ам долларын зээлийн санхүүжилтээр хэрэгжүүлнэ. Уг санхүүжилтээр “Улаанбаатар хотын тогтвортой авто зам, тээвэр төсөл”-ийг хэрэгжүүлэхээр бэлтгэл ажлыг хангасан байна.Улаанбаатар хотын зам, тээврийн хөдөлгөөнд оролцогч талуудын аюулгүй байдлыг хангах, гудамж замын одоо байгаа сүлжээг засварлах, шинэчлэх, шинээр авто зам барих, замын хөдөлгөөний удирдлагын төвийг шинэчлэх нэгдсэн системийг бий болгох замаар түгжрэлийг бууруулах, хөдөлгөөний аюулгүй байдлыг нэмэгдүүлэх, хотын зам, тээврийн стратегийн судалгаа, чадавх бэхжүүлэх арга хэмжээнүүдийг 5 жилийн хугацаанд Нийслэлийн Засаг даргын тамгын газар хариуцан хэрэгжүүлэх аж. Цогц арга хэмжээнд 390 тэрбум төгрөгийн газар чөлөөлөлтийн мөнгө хэрэгтэй. Үүнээс ирэх жил 110 тэрбум төгрөг нь газар чөлөөлөлтөд тавигдсан. 100 тэрбум төгрөгийг нийтийн тээврийн шинэчлэлд оруулсан. 500 шинэ цахилгаан автобусыг ирэх оноос нэвтрүүлнэ. Үүнд 100 тэрбум төгрөг зарцуулна. Үлдсэн 100 тэрбум төгрөгийг хөдөлгөөний эрчмийг сайжруулахтай холбоотой ажил хийнэ. Удирдлага мэдээллийн нэгдсэн системийг мөн хийнэ. Дэлхийн банкны төсөл нь одоогийн байгаа 20 жил болсон нарны замыг зургаан эгнээ болгохтой холбоотой инженерийн шугам сүлжээ, ногоон байгууламжтай хамт байгаа. Нийтийн тээврийн шинэчлэл гэдэг нь нийтдээ 35.3 километр дөрвөн байршилд коридор үүснэ. 55-65 автобусны жишиг буудал барина. Таван жилийн хугацаанд ашиглагдах мөнгө байгаа юм.

Эх сурвалж: www.polit.mn