Б.ОД

Сангийн сайд Б.Жавхлан цаг үеийн асуудлаар мэдээлэл өглөө. 

 Тэрбээр "Урд хөршид үүссэн шинэ нөхцөл байдал хэвийн горимд хурдан ороосой гэж хүлээж байна. Өдөр болгон холбогдож байгаа. Чингэлэг тээврээр тэг цэгээс бараа солилцох бүх шаардлагыг ханган, туршилтын тээврээ эхлүүлээд хэзээ албан ёсоор хил нээхийг харж байна. Гашуунсухайт боомтын хувьд байдал арай дээр байгаа. Өнгөрсөн долоо хоногийн даваа гарагт 700 машинаар нүүрсээ урагшаа гаргахаар тохиролцсон байсан. Гэтэл шинэ нөхцөл байдал үүсээд энэ тоог 350 болгосон бол маргаашаас 200 болгоё гэж байна. Богино хугацаанд түр авч байгаа арга хэмжээ гэдгийг урд хөршөөс мэдэгдсэн. Нүүрс тээврийн 200 машин нь дан чингэлэг тээвэр байх юм. Ерөнхийдөө нүүрс тээврийн 1/3 нь чингэлэг тээврээр, 2/3 нь задгай тээврээр явдаг. БНХАУ-аас тавьж байгаа шаардлагаар экологийн асуудлаас үүдэн нүүрс тээвэрлэлт чингэлэг тээвэр рүү бүрэн шилжихээр байна. Тиймээс тээвэрчид, тээврийн компани одооноос энэ талаар зохицуулалт хийх нь зөв" гэв.

 Эх сурвалж:www.polit.mn