З.БАТЦЭЦЭГ

Хэрэв Европын холбооны орнуудын эрх баригчид эрчим хүчний системийг өөрчлөх үйл явцад цөмийн эрчим хүчийг оруулахгүй бол энэ нь зах зээл дээрх үнийг өсгөж, нийгмийн ноцтой асуудал үүсгэж болзошгүй гэж Saxo Bank-ын макро эдийн засгийн шинжилгээний албаны дарга Кристофер Дембик  мэдэгдэв. Цөмийн эрчим хүчийг ногоон гэж үзэх эсэх тухай маргаан Европт үргэлжилж байна. Хэлэлцээрийн үр дүнгээс шалтгаалаад Европын холбооны эдийн засагт үзүүлэх сөрөг нөлөө их ялгаатай байх болно гэж Дэмбик таамаглаж байгаа юм. Цөмийн энергийг энэ өөрчлөлтөд оруулахгүй бол эрчим хүчний үнэ өсөж, эдийн засагт дарамт болж, нийгэмд нэмэлт хурцадмал байдал үүсгэнэ гэж шинжээчид үзэж байна. Нөгөөтэйгүүр, хэрэв Европын холбоо атомын цахилгаан станцуудыг үргэлжлүүлэн ашиглаад, түүнийгээ орхихгүй бол эрчим хүчний системийн өөрчлөлт нь хохирол багатай байх болно. Технологийн хөгжлийн өнөөгийн түвшинд сэргээгдэх эрчим хүчний эх үүсвэрүүд уламжлалт эрчим хүчний эх үүсвэрийг орлож чадахгүй гэж Дембик нэмж хэлжээ. Франц улс эх орныхоо эрчим хүчний импортын хараат байдлыг бууруулж, Парисын хэлэлцээрийн зорилгод хүрэхийн тулд цөмийн реакторуудыг барина гэж өмнө нь мэдээлж байсан.

Эх сурвалж: www.polit.mn