Б.ОД

Засгийн газрын өргөтгөсөн хуралдаан үргэлжилж байна.

Энэ үеэр Хүнс хөдөө аж ахуй, хөнгөн үйлдвэрийн сайд З.Мэндсайхан “Дэлхийн зах зээлд хүнсний бүтээгдэхүүний үнэ 20-30 хувь өсч байна. Үүнийг дагаад импортоор оруулж ирж буй хүнсний болон бусад бүтээгдэхүүний үнэ дотоодод өсөх эрсдэлтэй. Тэгэхээр гол нэрийн хүнсний бүтээгдэхүүн буюу хавар өвлийн цагт иргэдийн нуруун дээрх ирэх ачааллыг багасгахын тулд гол нэрийн гол нэрийн хүсний бүтээгдэхүүн, мах, гурилын нөөцийг бүрдүүлэхэд аймгийн Засаг дарга нар онцгой анхаарах ёстой. Энэ жил 16.7 сая малыг эдийн засгийн эргэлтэд оруулах ёстой гэсэн тооцоо гаргасан. Үүнээс 5.2 саяыг дотоодод 11.5 саяыг нь эдийн засгийн эргэлтэд оруулна. Нийслэлтэй хамтарч махны өргөтгөсөн худалдаа зохион байгуулах, 31 байршлыг бэлэн болгосон. Арваннэгдүгээр сарын 20-ноос хойш нэг сарын хугацаанд Төв цэнгэлдэхэд мах, цагаан идээний өргөтгөсөн худалдаа зохион байгуулна. Аймгийн засаг дарга нар хувиараа бизнес эрхлэгчтэй хамтраад тээвэр зуучлалгүйгээр, үнийн хөөрөгдөл үүсгэхгүйгээр төв суурин газрын махны нийлүүлэлтэд онцгой анхаарч ажиллах шаардлагатай” гэв.

Эх сурвалж:www.polit.mn