БАТЦЭЦЭГ

Мексикийн Гадаад хэргийн сайд Марсело Эбрард “Тус улсад ашиглаж буй COVID-19-ийн эсрэг Оросын вакциныг ДЭМБ-аас баталгаажуулахад их хугацаа шаардагдахгүй бөгөөд процедурыг хойшлуулах нь үндэслэлгүй гэж мэдэгджээ. “Бидний тооцоолсноор Sputnik V болон CanSino-г баталгаажуулахад их хугацаа шаардагдахгүй. Бид ДЭМБ-д шахалт үзүүлж байгаа. Жишээ нь, Спутникийг 65 оронд, CanSino-ийг 20 оронд ашиглаж байна” гэж тэрбээр Формула радиод өгсөн ярилцлагадаа хэлжээ. Эбрардын хэлснээр ДЭМБ-аас ОХУ-ын вакциныг батлах журам үндэслэлгүй хойшлогдож байгаа бөгөөд Мексик улс үүнийг хурдан батална гэж найдаж байна гэжээ. Мексикийн ерөнхийлөгч Андрес Мануэль Лопез Обрадор ДЭМБ-ын тэргүүн Тедрос Гебрейюсуст захидал илгээж, дэлхийд аль хэдийнэ ашиглаж байгаа ч ДЭМБ-аас зөвшөөрөөгүй вакцины баталгаажуулалтыг хурдасгахыг хүснэ гэж өмнө нь мэдэгдсэн. АНУ-тай хилээ нээх шийдвэр гарсны дараа Мексикийн хувьд ОХУ-ын вакциныг ДЭМБ-аас батлах тухай асуудал онцгой анхаарал татаж байна. Арваннэгдүгээр сарын 1-нээс эхлэн АНУ-д нэвтрэх нөхцөл нь ДЭМБ-аас баталсан COVID-ийн эсрэг вакцин хийлгэсэн байх. ДЭМБ-ын ахлах судлаач Сумия Сваминатан “Шаардлагатай хууль эрх зүйн баримт бичигт ойрын  өдрүүдэд гарын үсэг зурсан тохиолдолд оны эцэс гэхэд Спутник V вакциныг баталж магадгүй гэж өмнө нь “РИА Новости” агентлагт ярьсан юм. Спутник V нь нийт дөрвөн тэрбум хүн ам, дэлхийн 70 оронд батлагдсан. Энэ нь дэлхийн хүн амын 50 гаруй хувь юм. 

Эх сурвалж: ww.polir.mn