С.САРУУЛ
Нийслэлийн хэмжээнд коронавирусийн халдварын эсрэг гуравдугаар тун буюу нэмэлт дархлаажуулалтыг наймдугаар сарын 16-наас хийж эхэлсэн. Гэвч иргэдийн гуравдугаар тунд хамрагдалт муу байгаа аж. Тиймээс нэмэлт дархлаажуулалтыг идэвхжүүлэх үүднээс Эрүүл мэндийн сайдын төлөвлөгөө гарчээ.
Дархлаажуулалтын цэг дүүрэг бүрд харилцан адилгүй байна. Зарим дүүрэгт гурван цэг ажиллаж байгаа бол заримд нь таван цэг ажиллаж байгаа. Тиймээс иргэд өөртөө аль ойр цэгтээ очиж үйлчлүүлэх боломжтой юм. Мөн олон ажилтантай байгууллага, их, дээд сургуулиудын судалгааг авч явуулын баг ажиллахаар төлөвлөжээ. Үүнээс гадна гэрээсээ гарах боломжгүй, хэвтрийн болон бусад хүндэтгэх шалтгаантай иргэд дүүргийнхээ дархлаажуулалтын багт хүсэлт гаргаснаар бид гэрээр нь очиж нэмэлт дархлаажуулалтыг хийж байгаа аж.
Эх сурвалж: www.polit.mn