Lil Thug E & Tory Lanez

2021-09-30
Нийтэлсэн: Админ
 4 мин унших

Б.ДОЛЖИНЖАВ

Хорвоо дээр орших долоон тэрбум гаруй хүн арьс өнгө, үзэл бодол, хүсэл сонирхол, соёл уламжлалаас эхлээд сонсдог хөгжим, уншдаг ном, үздэг киногоороо харилцан адилгүй. Тэр дундаа нас чацуу хүмүүс ч өссөн орчин, хувь хүний хандлага, төрсөн улсаасаа шалтгаалан тэс өөр байх нь бий. Тиймээс бид Монголын болон дэлхийн нас чацуу алдартнуудын амьдралын хэв маяг, эерэг дадал, биеэ авч явах соёлоос хуваалцах “Чацуутнууд” буланг хүргэж байна. Энэ удаа Монголын шинэ үеийн залуу реппер Lil Thug-E болон Канадын алдарт реппер Tory Lanez нарыг  онцоллоо. 

“Тэр үргэлж инээмсэглэл цацруулдаг”

Монголын хип хоп ертөнцийн томоохон орон зай, тод өнгө болсон реппер Lil Thug-E буюу Г.Төгөлдөр 2013 оноос уран бүтээлийн гараагаа эхэлжээ. Тэрбээр  биологийн мэргэжлээр суралцсан боловч өөрийн хүсэл эрмэлзлэлдээ хөтлөгдөн Монголын хип хоп ертөнцөд “south”, хип хоп, трап урсгалаар уран бүтээлээ туурвиж буй авьяаслаг реппер юм. Түүний “Одоо”, “Хавар”, “Анзаарахгүй” дуунууд нь  сонсогчдын хайр хүндэтгэлийг хүлээхийн сацуу долдугаар сард цацсан “Чамтай” дуу нь энэ зуны хит болсон юм. Г.Төгөлдөр нь уран бүтээлийнхээ үг болон аяыг өөрөө бичиж, дотоод ертөнцөө бүхэлд нь тольдон харуулсан хурц шийдэмгий үгс, сэтгэлийн гүнээс нь ундран гарах уран яруу шүлгээрээ урлагийн ертөнцөд цоо шинэ өнгө төрхийг нэмсэн билээ. Үүгээр ч зогсохгүй олон арван хамтлаг дуучдын хит уран бүтээлийн аяыг бүтээн туурвиж, орчин цагийн хөгжмийн өнгө төрхийг 29-хөн насандаа тодорхойлж яваа нь цаашид Монголын урлагийн ертөнцөд нэгэн өөрийн гэсэн шинэ урсгалын эхлэлийг тавиад байгаа юм.
Түүний талаар “SPS” телевизийн Ерөнхий продюсер Б.Ялалт “Г.Төгөлдөр бол хүн бүртэй сайхан харилцдаг, хүмүүсийн хайрыг татдаг, зөөлөн, сайн залуу.Бидний мэдэх хамгийн күүл репперүүдийн нэг. Хүрээлэл дундаа их үнэтэй эрдэнэ. Lil Thug E гэхээр хамгийн эхэнд инээмсэглэл санаанд ордог. Байнга инээмсэглэж явдаг, хамт байхад эерэг  энерги цацруулдаг хүн. Түүний rhyme, flow нь давтагдашгүй учир Монголын хип хопод маш их хэрэгтэй уран бүтээлч юм. “Одоо” дууг нь youtube-д 12 сая гаруй удаа үзсэн нь том амжилт. Авьяастай залуу репперийнхээ дуунуудыг нь дахин сонсож, хамтдаа сагс тоглохыг үнэхээр их хүсч байна” гэж ярилаа.Учир нь реппер, ая зохиогч, продюсер Lil Thug E нь цусны цочмог хорт хавдартай хэмээн оношлогджээ. Түүний эмчилгээний төлбөр нь эхний байдлаар 650 сая төгрөг болох бөгөөд найз нөхөд, гэр бүл, хип хопын ертөнц, Монголын ард түмнээсээ цуглуулах #BigLIFEforLilTHUGE хандивын аянд нэгдэхийг  уриалж байна.

416-гийн түүх болсон Tory Lanez

Канадын реппер, ая зохиогч, продюсер Дейстар Шэмуэл Шуа Петерсон буюу уран бүтээлч Tory Lanez 1992 оны долдугаар сарын 27-нд төржээ. Тэрбээр 2013 оны наймдугаар сард  “Миний дотоод сэтгэлийн зөрчлүүд буюу 416-гийн түүх”  /Conflicts of My Soul:The 416 Story/ mixtape цацан олны анхааралд өртсөн юм. Үүний дараахан 2015 онд продюсер Бэнни Бланкогийн студитэй гэрээ байгуулсан юм. Түүний анхны студийн цомог болох  2016 онд гаргасан “I Told You” нь “Billboard Hot 100” жагсаалтад багтсан нь томоохон амжилт болсон билээ.  Энэ цомогт "Say It", "Luv" тэргүүтэй дуунууд багтсан юм. Үүнээс хойш “Дурсамж хэзээ ч арилдаггүй” /Memories Don't Die/, “Одоо ч намайг хайрладаг уу” /Love Me Now?/, Chixtape 5, Daystar гэсэн дөрвөн цомог гаргасан юм. Үүнээс  "Chixtape 5" цомог нь АНУ-ын шилдэг 200 цомгийн хоёрдугаарт, өнгөрсөн онд гаргасан Daystar цомог нь тус жагсаалтын аравдугаарт жагссан юм. Мөн тэрбээр урлагийн салбарын хамгийн том шагнал болох “Grammy Award”-аас "Luv" нэртэй дугаараа дөрвөн номинацийн шагнал хүртэн дэлхийд алдаршсан билээ. 
Тэрбээр хүүхэд байхаасаа хип хоп дуу бичиж эхлэн өөрийн авьяасаа эрт нээн илрүүлжээ. Мөн түүний ээж нь бага байхад нь хүнд өвчний улмаас нас барж, аав нь түүнийг орхисон нь өөрийг нь хатуужуулсан хэмээн ярьжээ. Энэ тухай Tory Lanez “Бүх хүн намайг орхих үед би юу хийх учраа олоогүй. Миний 15-18 нас хүртэлх гурван жилд би юу хийх ёстой бүрэн ухаарч чадаагүй. Гэхдээ энэ үеүдэд би өөртэйгээ үргэлж тэмцэж байсан. Хайрлах ээж, аав, эмээ ч надад байхгүй амьдрал өнөөдрийн намайг бүтээсэн. Миний амьдралыг бүхэлд нь өөрчилсөн” гэжээ. Ийн тэрбээр аравдугаар ангиасаа сургуулиасаа гарч урлагийн салбарт бүхнээ зориулж эхэлсэн түүхтэй.

Эх сурвалж: "Зууны мэдээ" сонин 2021.9.30 ПҮРЭВ № 192 (6669)

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

12 цаг 51 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

17 цаг 56 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

Өчигдөр 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

Өчигдөр 06 цаг 00 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

Өчигдөр 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Уржигдар 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Уржигдар 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Уржигдар 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Уржигдар 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Уржигдар 06 цаг 00 мин