Сөрөг хүчин 76 гишүүнийг яаралтай цугларахыг шаардлаа

2021-09-24
Нийтэлсэн: Админ
 2 мин унших

С.УЯНГА

Сөрөг хүчний удирдлагууд УИХ дахь бүлгийн гишүүдтэйгээ нэгдэн дуу хоолойгоо илэрхийлж, эрх баригчдаас  хариуцлага нэхэж буйгаа мэдэгдлээ. Энэ үеэр ээлжит бус чуулганыг яаралтай хуралдуулахыг шаардав.  Сөрөг хүчнийхэн шатахууны зах зээлийн үнэ, импортыг бүрэн чөлөөлөх, ОХУ, БНХАУ хоёр улсад байгаа Монгол Улсын Элчин сайд нарыг эгүүлэн татах, Андлалын хөшөө, усан оргилуур гэх мэт хөрөнгө оруулалт нэрээр хийж буй луйврыг зогсоохыг шаардав. Мөн удаа дараа ёс зүйгүй авирлаж байгаа албан тушаалтнуудад хариуцлага тооцох гэсэн шаардлагуудыг тавьж биелүүлэхгүй бол аравдугаар сарын  1-нд бүх нийтийн тэмцлийг зохион байгуулахаа мэдэгдэв. 

УИХ дахь АН-ын бүлгийн дарга Д.Ганбат:
-Эрх баригчдаас хариуцлага нэхэж байна.  УИХ-ын ээлжит бус чуулганыг өнөөдөр /өчигдөр/ эсвэл маргааш гэхэд нэн яаралтай зохион байгуулж үүссэн асуудлуудыг шийдвэрлэх шаардлагатай байна. Монгол Улсын төр бол УИХ юм. Бид ийм үед амраад байж болохгүй. 300 мянга гаруй хүн халдвар авсан, хичээл сургууль эхэлсэн, хоёр жил хоригдсон, шатахуунгүй болсон ийм үед амраад байж болохгүй. Сонгуулиас хойш  бүрэн бүрэлдэхүүнээрээ хуралдсан үе байхгүй.  Өнөөдөр үүсээд буй шатахууны асуудал олон зүйлийн ердөө нэг илрэл. Цаана нь үүнтэй адил тэсрэхэд бэлэн олон асуудал бий. Мөн Ерөнхийлөгч У.Хүрэлсүхэд хүсэлт хүргүүлж байна. 2021 оны гуравдугаар сараас хойш 100 жилийн ой тэмдэглэж, одон медаль тарааж, сонгууль, уул овоо тахих нэрийдлээр халдвар тараах үндэслэлийг тавьсан. Үүндээ уучлалт гуйх хэрэгтэй. 

АН-ын дарга М.Тулгат:
-Цар тахал  дэлхий нийтэд тохиолдож байна. Зарим улс орнууд эдийн засгаараа дэнчин тавьж, эрүүл мэндээ хамгаалж байна. Зарим нь эрүүл мэндээ дэнчин тавьж, эдийн засгаа хамгаалж байна. Гэтэл манайх аль ч тал дээр бодлого алга. Өнөөдөр 1100 хүн амь насаа алдлаа. Эдийн засгаа сэргээх зорилгоор 10 их наяд төгрөгийн хөтөлбөр хэрэгжүүлсэн. Гэтэл үр дүн гарахгүй байгаад зогсохгүй шатахууны хомсдолд орж, хил нь хаалттай, ачаа бараа нь хил дээр овоорч байна. Одоо хангалттай.

УИХ-ын гишүүн Б.Пүрэвдорж:
-Эрх баригчид ард иргэдийг туйлдуулж байна. Тиймээс "Одоо боллоо" уриатайгаар ирэх сарын 1-нд төв талбайд цуглана. Коронавирус нэрийдлээр зарцуулсан 20 их наяд төгрөгийн хөтөлбөрийг ил болгох хэрэгтэй. Ковидын 5.1 их наяд төгрөгийн хөтөлбөрийн 2.4 их наяд төгрөгийнх нь тайлан байгаад 2.7 их наядынх алга байх жишээтэй.

УИХ-ын гишүүн О.Цогтгэрэл:
-Монгол Улсын эдийн засаг хасах руу орж, аж ахуйн нэгж байгууллагууд хаалгаа барьж эхэллээ. Шатахууны хомсдолд орж нийгмийн асуудал хурцдаж эхэллээ. Улсын Их хурал, Засгийн газарт бүх эрх мэдлийг өгөөд хоёр жил болж байна. COVID-19-ийн хууль нэрийдлээр хүний нөөцийн томилгооноос эхлээд төсвийн мөнгийг дураараа захиран зарцуулах бүхий л эрх мэдэл нь тэдэнд байна. Гэвч нөхцөл байдал өөрчлөгдсөнгүй. Төр засаг гэж байдаг бол ирээдүйн тухай биш юм аа гэхэд маргаашийн тухай төлөвлөж удирдах ёстой. 

Эх сурвалж: "Зууны мэдээ" сонин 2021.9.24  БААСАН  № 188 (6665)

bgk
ХУРАЛД ирж чадахгүй ТЭНЭГҮҮДИЙГ ЦӨӨЛЖ ажил хийдэг БОЛМООР БНА ШҮҮ ЭСВЭЛ УИХ ТАР!!!
Фото: Төрийн ордон /2024.03.29/

Фото: Төрийн ордон /2024.03.29/

4 цаг 39 мин
"Хот, хөдөөгийн сэргэлт"-ийн талаар хийсэн ажлаа тайлагналаа

"Хот, хөдөөгийн сэргэлт"-ийн талаар хийсэн ажлаа тайлагналаа

5 цаг 3 мин
“Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ

“Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ

5 цаг 3 мин
БНСУ-аас Монголд суух элчин сайдаар Чой Жин Воныг томилжээ

БНСУ-аас Монголд суух элчин сайдаар Чой Жин Воныг томилжээ

5 цаг 4 мин
Эрүүл мэндийн салбарын удирдах ажилтнууд зөвлөлдлөө

Эрүүл мэндийн салбарын удирдах ажилтнууд зөвлөлдлөө

6 цаг 15 мин
Б.Энх-Амгалан: Хүний эрхийн зөрчлийг цэц шийдвэрлэх нь зөв

Б.Энх-Амгалан: Хүний эрхийн зөрчлийг цэц шийдвэрлэх нь зөв

6 цаг 49 мин
АН-ын бүлэг: Цэцийн хуулийн төслийн хэлэлцүүлэгт оролцохгүй

АН-ын бүлэг: Цэцийн хуулийн хэлэлцүүлэгт оролцохгүй

7 цаг 11 мин
О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

7 цаг 32 мин
ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгүй

ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгү

7 цаг 49 мин
Малын хорогдол 5.9 саяд хүрлээ

Малын хорогдол 5.9 саяд хүрлээ

8 цаг 5 мин