“Ерөнхийлөгчийн урилгаар НҮБ-ын Ерөнхий нарийн бичгийн дарга Монголд айлчилна”

Нүүр

Залуус-Улс төр

“Ерөнхийлөгчийн урилгаар НҮБ-ын Ерөнхий нарийн бичгийн дарга Монголд айлчилна”

2021-09-21

Нийтэлсэн: Админ

1 мин унших

ХУВААЛЦАХ

ЖИРГЭХ

Б.ДОЛЖИНЖАВ

АНУ-ын Нью Йорк хотноо болж буй НҮБ-ын Ерөнхий Ассамблейн 76 дугаар чуулганд Монгол Улсын Ерөнхийлөгч У.Хүрэлсүх оролцож байна.Тэрбээр НҮБ-ын Ерөнхий нарийн бичгийн дарга А.Гутеррештэй өнөөдөр уулзлаа. Уулзалтын үеэр ярьсан асуудлын талаар Монгол Улсын Ерөнхийлөгчийн гадаад бодлогын зөвлөх Э.Одбаяр өнөөдөр өглөө мэдээлэл өглөө.

Тэрбээр "Энэ жил Монгол Улс НҮБ-д элссэний 60, Ардын хувьсгалын 100 жилийн ой тохиож байна. Ирэх жилд Монгол Улс энхийг сахиулах үйл ажиллагаанд оролцсоны 20 жилийн ой тохионо. Энэ ойн хүрээнд Ерөнхийлөгчийн хувиар НҮБ-ын Ерөнхий нарийн бичгийн дарга А.Гутеррешийг Монгол Улсад айлчлахыг урилаа.Тогтвортой хөгжлийн зорилтын хүрээнд Монгол Улсад НҮБ дэмжлэг үзүүлнэ, ойрын хугацаанд А.Гутерреш Монгол Улсад айлчилна гэдгээ илэрхийлсэн. Үүнээс гадна тодорхой хоёр асуудлыг хөндсөн.Нэгдүгээрт, Буянт-Ухаад хүмүүнлэгийн агуулах, нийлүүлэлтийн логистикийн төв барих асуудлыг тавьж, дэмжлэг үзүүлэхийг НҮБ-ын зүгээс хүсэлт болголоо. Үүнийг нааштай хүлээн авч байна.Хоёрдугаарт, НҮБ-ын бүх системийн байгууллагын үйл ажиллагаанд Монгол Улс идэвхтэй оролцдогийг НҮБ-ын Ерөнхий нарийн бичгийн дарга А.Гутерреш дахин нотолж, талархлаа илэрхийлэн, хамтын ажиллагаа жилээс жилд өргөжсөөр байгааг цохон тэмдэглэсэн.Монгол Улсын Ерөнхийлөгч У.Хүрэлсүх НҮБ-д оролцоогоо нэмэгдүүлэх, бэхжүүлэхийг мөрийн хөтөлбөртөө тусгасан. Энэ хүрээнд НҮБ-ын Ерөнхий Ассамблейн чуулганд биечлэн оролцож байна. Өнгөрсөн жил Монгол Улсын Ерөнхийлөгч цахимаар оролцож байсан.Өмнө нь Ерөнхий сайд байх үедээ оролцсоноос хойш дөрвөн жилийн дараа Ерөнхийлөгчийн түвшинд оролцож байгаагаараа ач холбогдолтой." гэв.

Эх сурвалж:www.polit.mn

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

29 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

1 цаг 14 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

5 цаг 38 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

9 цаг 2 мин