• Зууны мэдээ сонин онлайн захиалга

Яйзү хотын дарга манай баг тамирчдыг хүлээн авч уулзлаа

2021-09-05 17:59

Д.ДАРАМБАЗАР

“Токио-2020” зуны паралимпийн XVI наадамд оролцсон шигшээ багийн төлөөлөгчдийг Японы Шизүоки мужийн Яйзү хотын Засаг дарга Накано Хиомичи хүлээн авч хүндэтгэл үзүүллээ. Хүндэтгэлийн арга хэмжээнд Монголын үндэсний паралимпийн хорооны пауэрлифтингийн шигшээ багийн дасгалжуулагч Д.Баттулга, пауэрлифтингийн -107 кг-д дээд амжилт эвдэж, түрүүлсэн гавьяат тамирчин Э.Содномпилжээ, таеквондогийн дасгалжуулагч Л.Отгонбаатар тэргүүтэй тамирчид оролцсон юм. Яйзү хотынхон биеийн тамир, спортын салбарынхантай 2016 оноос эхлэн хамтран ажиллаж байгаа. Паралимпийн хөнгөн атлетикийн тамирчидтай жил бүр Яйзү хотод ирж бэлтгэл сургуулилтаа хийдэг байна. Мөн Монголын пара таеквондогийн баг тамирчид 2019 оноос хамтран ажиллаж байгаа ажээ. Түүнчлэн Монголын чөлөөт бөхийн болон ахлах сургуулийн 3x3 сагсан бөмбөгийн баг тамирчид ч энэ хотод жил бүр ирж бэлтгэл сургуулилтаа хийж байна.

Эх сурвалж www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.