Д.ДАРАМБАЗАР

“Токио-2020” паралимпийн наадмын эмэгтэйчүүдийн таеквондогийн 49 кг-д өрсөлдөж буй ОУХМ Х.Энхтуяа дагах тулаанд Мароккогийн С.Эс-Саббарыг ялсанаар хагас шигшээд шалгарсан. Харин дараагийн тулаанаа Тайландын Фуангкитчатай тулалдаж ялагдсанаар тэмцээнээ өндөрлүүллээ. Энэ төрөлд оролцож буй Г.Болор-Эрдэнийн хувьд гурав дахь тойргийн тулаанд өрсөлдөгчдөө нэг оноогоор ялагдсан юм. Харин пара байт харвааны эмэгтэйчүүдийн ганцаарчилсан төрөлд онч мэргэнэ сорьсон ОУХМ Д.Сэлэнгээ 1/16 шатанд дэлхийн аварга, олимпийн хошой хүрэл медальт Польшийн Олжевскатай халз харвалаа. Медалийн тааварт байсан тамирчинтай сайн өрсөлдсөний эцэст ялагдав. Ийн манай гурван тамирчин энэ өдрийн тэмцээнээ дуусгалаа. 

Эх сурвалж www.polit.mn