Х.ОЮУНБОЛД
Хэдийгээр хөгжлийн бэрхшээлтэй ч амжилтанд хүрсэн хүмүүсийн жишээ олон бий. Тэдний амьдрал нөхцөл байдлаас шалтгаалан асуудалтай тулгарч байжээ. Гэвч тэд хүсэл зориг, юмыг харах хэлбэрийнхээ ачаар бусад хүнд том үлгэр л жишээ болж чадсан байна.
1. Паоло Антонини
Бразилийн загвар өмсөгч бүсгүй. Тэрээр машины ослоор нэг хөлөө алдсан ч хүсэл зориг нь түүнд урагшлах болон амьдралын том үлгэр жишээ байхыг зөвшөөрчээ. Одоо загвар өмсөгч хийдэг бөгөөд нийтийн цахим сүлжээ инстаграммд түүний нөхцөл байдлыг үл харгалзан хийж байгаагаасаа таашаал авч буй зурагнуудаа тавьж сенсаци тарьдаг аж.
2. Стивен Хокинг
Дэлхийн хамгийн ухаантай хүний нэг гэж тооцогддог Их Британийн онолын физикч түүнийг болон хийсэн бүтээснийг мэдэхгүй хүн гэж үгүй биз. 21 настайдаа амиотрофийн хажуугийн склерозын өөрчлөлттэй гэж оношлогдсон нь булчин сулрах саа өвчин туссан байна. Гэхдээ энэ нь түүнийг дэлхий дахинд гайхагдсан шинжлэх ухааны нээлт хийж хөгжүүлэх, олон ном бүтээлээ бичихэд саад болоогүй билээ.
3. Ник Вуйчич
Тэрээр Австралийн Мельбурн хотод 1982 оны арванхоёрдугаар сарын 4-нд төрсөн. Биеийн хөгжлийн бэрхшээлтэй хүмүүстийг дэмждэг “Life Without Limits” байгууллагын захирал. Тэрээр их ховор тохиолддог удамшлын өвчний улмаас төрөлхийн гар хөлгүй төрсөн ч түүний энэ биеийн байдал нь амжилтанд хүрэхэд нь саад огт болоогүй бөгөөд дэлхийн хамгийн алдартай сэтгэл зүйн дасгалжуулагч болсон байна.
4. Стив Вондер
Тэр бол түүхэнд хамгийн их танигдсан дуучдын нэг. Стив Вондер 100 сая цомгоо борлуулж байсан. Төгөлдөр хуур,бөмбөр болон басс гитар тоглодог. Төрөлхийн хараагүй тэрээр бүх том урлагийн арга хэмжээг хийж ирсэн байна. Дуучнаас гадна нийгмийн идэвхтэн. Гурван удаагийн Грэммийн шагналтай бөгөөд 1973,1974,1976 онд авч байжээ. Нэртэй дуучдаас тэрээр Мэрайя Кэри, Арианна Гранде болон бусад дуучинтай дуулж байсан аж.
5. Оскар Писториус
Түүнийг 11 сартай байхад нь хоёр хөлийг нь төрөлхийн өвчний улмаас тайрсан байна. Гэвч хиймэл хөл болон өөрийн хүсэл зоригийн ачаар хамгийн их амжилтанд хүрсэн тамирчдын нэг болж чадсан байна. Харамсалтай нь найз бүсгүйн аллага түүний шоронд оруулснаас гадна эцэс төгсгөлгүй шуугиан дэгдээсэн байна. Жинхэнэ нэр Оскар Леонард Карл Писториус паралимпийн тамирчин 1986 оны арваннэгдүгээр сарын 22-нд Өмнөд Африкийн Иоханнесбург, Сандтонд төржээ. Тэрээр 100,200,400 метрийн хоёр хөлөө тайруулсан хиймэл хөлтэй тамирчдын дэлхийн аваргын рекордыг эзэмшдэг байна.
Эх сурвалж: www.polit.mn