Ч.ОЛДОХ

Сөүлийн их сургуулийн эмнэлгээс сар болгон иргэдээс ирсэн асуултын дагуу  цахим сургалт хийж, зөвлөгөө өгдөг. Энэ удаа тус эмнэлгийн их эмч Чу  Ин Рэ профессор “Нойр булчирхайн архаг үрэвсэл, цөсний эмгэг ба дэвшилтэт арга барил” сэдвээр зөвлөгөө өгснийг  товчлон хүргэж байна.

-Нойр булчирхайн архаг үрэвсэл, цочмог үрэвсэл, цөсний чулуужилтын үед ямар эмчилгээ хийлгэх вэ?

-Нойр булчирхайн хурцадмал үрэвслийн үед яаралтай  эмчилгээ хийлгэх шаардлагатай, учир нь хүчтэй өвдөлт үүсгэдэг учраас. Эмчилгээний дэглэм нь хоол сойх, мөн  шингэн нөхөх, өвчин намдаах эмчилгээг  идэвхтэй хийлгэх хэрэгтэй.Нойр булчирхайн эмчилгээний дараа хоолыг бага хэмжээгээр идэж  аажмаар дасгах  хэрэгтэй.

-Нойр булчирхайн цочмог үрэвсэл архаг үрэвсэл рүү  шилждэг үү?

-Тэр бүр шилжээд байдаггүй. Гэхдээ хүнд  хэлбэрт шилжих юм бол  хоёр дахь шатаар хэвлийн хөндийн эд эрхтэн бөөр, дэлүүний үйл ажиллагаанд доголдол үүсгэнэ. Тиймээс хурцадмал үрэвслийн үед яаралтай эмчилгээ хийлгэх шаардлагатай. Хоолны дэглэм маш сайн барих ёстой. Хоол огт идэхгүй сойж, шингэн нөхөх, өвчин намдаах эмчилгээг  давхар идэвхтэй хийлгэх нь чухал. Мэдээж олон удаагийн дахилттай цочмог үрэвсэл нь архагших магадлал өндөр байдаг.

-Монголчууд  шарсан хуурсан хоол их идэж, араас нь хүйтэн ус, ундаа, архи уух нь бий. Эмч нар нойр булчирхай, цөс өвдөнө гэж зөвлөдөг. Энэ үнэн үү?

-Нойр булчирхайг үрэвсүүлдэг гурван том шалтгааны хоёр нь энд байна. хэт их өөх тостой, шарсан хайрсан хоол идэхэд нойр булчирхайн цочмог үрэвсэл үүсдэг. Дээр нь архи согтууруулах ундаа ундаа уух нь том шалтгаан болдог учраас өвчлөх магадлал өндөр.

-Нойр булчирхайн цочмог үрэвслийн үед эмчилгээний үр дүн хэр сайн байдаг вэ?

-Эмчилгээ сайн үр дүнтэй. Гол нь эмнэлэгт очиж мэргэжлийн эмчид хандах хэрэгтэй. Түрүүнд  хэлсэн  хоол сойх, шингэн нөхөх, өвдөлт намдаах гэсэн гурван эмчилгээг яаралтай авах учиртай. Үүний дараа биеийн байдлаас шалтгаалан  тохиромжтой эмийн эмчилгээг авах нь чухал.

-Нойр булчирхайн цочмог үрэвслийн дараа дахихгүй байхад юуг анхаарах вэ?

-Үүсгэж байгаа шалтгааныг гурван хүчин зүйлээр түрүүнд хэлсэн. Түүнээс зайлсхийх хэрэгтэй. Цөсний чулуу нь нойр булчирхайн цоргыг бөглөснөөс үүдэж үрэвсэл үүсэх магадлал бас өндөр. Чулуу ихтэй бол  түүнийг авахуулах мэс заслыг хийлгэх хэрэгтэй. Нойр булчирхай үрэвссэний дараа хэмжээ нь жижгэрч, шохойжилт үүсч үйл ажиллагаа нь доголддог.

Дэлгэрэнгүй мэдээллийг  Shuh Mongolia  цахим хаягаас авч үзээрэй.

Эх сурвалж: www.polit.mn