Тодотгол: Эрүүл мэндийн сайдын багцад 735.1 тэрбум төгрөг төсөвлөв

2021-07-08
Нийтэлсэн: Админ
 3 мин унших

Т.САЙХАН

 

УИХ-ын чуулганаар өчигдөр Монгол Улсын 2021 оны Төсвийн тухай хуульд өөрчлөлт оруулах тухай, Нийгмийн даатгалын сангийн 2021 оны Төсвийн тухай хуульд өөрчлөлт оруулах тухай хуулийн төслүүдийн гурав дахь хэлэлцүүлгийг явуулж, эцэслэн баталлаа. 

Эрүүл мэндийн сайдын төсвийг:

• 2019 онд- 939.9 тэрбум

• 2020 онд- 1 их наяд 8.6 тэрбум

• 2021 онд- 742.9 тэрбум төгрөгөөр баталж өгсөн. 2021 оны Төсвийн тодотголын хүрээнд нэмж, эм, эмнэлгийн хэрэгсэл, тоног төхөөрөмжийн нөөц бүрдүүлэх, эрүүл мэндийн салбарын эмч, ажилчдыг урамшуулах зорилгоор нийт 241.2 тэрбум төгрөг, ЭМД-ын сангаас 493.1 тэрбум төгрөг, нийт 735.1 тэрбум төгрөг төсөвлөжээ. Энэ хүрээнд эрүүл мэндийн салбарын асуудлуудаа шийдвэрлэх бололцоотой гэж УИХ-ын дарга Г.Занданшатар хэлж байв. 

735.1 тэрбумын задаргаа

• 2000 ор дэлгэхэд шаардагдах 110 тэрбум төгрөг

• Резидент эмч нарын цалин 3.7 тэрбум

• Улаан бүсэд ажиллаж буй 13 мянган эмч, ажилчдад нэг удаа- хоёр сая төгрөг

• Эрүүл мэндийн салбарын нийт 19.5 мянган ажилтанд нэг удаа -  нэг сая төгрөгийн урамшуулал

• Судалгаа, шинжилгээ хийхэд- 2.4 тэрбум төгрөг

• Заавар, зөвлөмж мэдээлэл, иргэдэд мэдлэг олгоход 6.6 тэрбум төгрөг

• Эрүүл мэндийн салбарын цахим системийг сайжруулахад гурван тэрбум төгрөг зарцуулах зэрэг санхүүжилт багтаад байна.

Төсвийн тодотголыг хэлэлцэх үеэр УИХ-ын гишүүд байр сууриа илэрхийллээ.

 

УИХ-ын гишүүн Б.Пүрэвдорж:

-Төсвийн тодотголоо дуусгаад л эмч нарын  цалинг нэмэх асуудал бандан тас болно. Эмнэлгүүд цалин нэмэх асуудлыг тус бүртээ шийдэж байгаа гэдэг нь худлаа. Тэр бол шаардлагыг зогсоох гэсэн оролдлого. Төсвийн тодотголдоо 500 тэрбумыг ЭМДС-г санхүүжүүлэх зарчмын саналыг АН-ын бүлгээс гаргасан. Бусдаар Нийгмийн даатгалын сангаас эмч нарын цалинг нэмэгдүүлнэ гэдэг огт хэрэгжихгүй.

УИХ-ын гишүүн Ч.Хүрэлбаатар:

-Төсвийн тодотголыг УИХ-ын Дэгийн тухай хуулиар бид хэлэлцсэн. Эрүүл мэндийн салбарын шинэчлэлийг гүйцэтгэлээр нь хийхээр оруулж ирсэн. Цар тахлын үед бусад өвчнийг эмчилдэг эмч нарын ачаалал буурсан байна. Өөрөөр хэлбэл, эмнэлгүүдэд зөвхөн CОVID-19-ийн өвчлөлтэй холбоотой ачаалал нэмэгдсэн байна. Үүнтэй холбоотойгоор санхүүжилтийн асуудал үүссэн юм билээ. Дараагийн асуудал нь төрийн бусад албан хаагчаа яах юм. Эрүүл мэндийн салбарт хийх шинэчлэлээ эрүүл мэндийн санхүүжилтийн шинэ механизмаа бүрэн гүйцэд ашиглаад яв. Түүнийг ашиглаагүй байж НДС-ийн нийт мөнгөний дөрөвний нэгийг нь ашиглачихаад мөнгө нэмж өг гэдэг байдлаар хандах нь буруу гэж бодож байна.

УИХ-ын гишүүн Д.Ганбат:

- Ч.Хүрэлбаатар аа. Та Сангийн сайдаар нэлээн удаан ажилласан. Юм ойлгох юм болов уу гээд хэллээ. Тэрбум 400 мянган хүнтэй БНХАУ халдвараар ямар байна вэ. Хоёр дахь тунг хэн хоцроосон юм. ДЭМБ-ийн бүртгэгдээгүй вакцин оруулж ирээ биз дээ.

УИХ-ын гишүүн Ч.Хүрэлбаатар:

-Монгол Улсад вакцин оруулж ирэх чиглэлээр бүх боломжоо шавхаж ашигласан. Миний хэлснийг гуйвуулаад улс төр хийгээд байгаа юм уу. Гурван чиглэлээр вакцин авчирсан. Энэ сувгийг бид тултал ашигласан. Монгол Улс вакцинжуулалтаар дэлхийд тавдугаарт орсон байна. Монгол Улсад ковакс хөтөлбөрийн хүрээнд АстраЗенека, Файзер вакцин оруулж ирээд явж байна. БНХАУ-ын Синофарм вакциныг бид худалдаж авсан. Спутник вакциныг оруулж ирэх талаар ОХУ-аас Монгол Улсад суугаа Элчин сайд уулзахад юу гэж тайлбарласан бэ гэвэл “Орос өөрсдөө иргэдээ вакцинжуулж чадахгүй байна. ОХУ-д үйлдвэрлэж буй вакцинаа Монгол Улсад нийлүүлж чадахгүй гэдгээ хэлсэн гэв.

Эх сурвалж: “Зууны мэдээ” сонин

2021.7.8 ПҮРЭВ № 137 (6614)

 

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

8 цаг 9 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

13 цаг 15 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

19 цаг 43 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

19 цаг 43 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

19 цаг 43 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Уржигдар 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Уржигдар 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Уржигдар 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Уржигдар 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Уржигдар 06 цаг 00 мин