Х.ОЮУНБОЛД

БНХАУ-ын Коммунист намын 100 жилийн ойг ирэх сарын 1-нд  тэмдэглэнэ. Харин ойн баярын хүрээнд  олон арга хэмжээ зохион байгуулсан байна. Тухайлбал, энэ даваа гаригт Бээжинд том хэмжээний гала шоу болжээ. China Daily сонинд бичсэнээр  ерөнхийлөгч Ши Жиньпин болон бусад нам, төрийн удирдагчид 20000 хүн оролцсон арга хэмжээнд очсон байна. Их аялал гэж нэрлэсэн бүжиг, театрын тоглолт, жагсаал болон баримтат киноны нэвтрүүлэг гэсэн дөрвөн хэсэгт хуваасан аж.

Эхний хэсэгт Хятадын Коммунист намын  байгуулагдаж  байх эхийн үе, Японы халдан түрэмгийллийн эсрэг хятадуудын хийсэн тэмцэл, 1949 онд  Коммунист намын ялалтаар дууссан  иргэний дайны тухай харуулжээ.

Харин хоёр дахь хэсэгт ялалтын дараа Хятадыг удирдсан  Мао Зедунгийн Засгийн газарт зориулсан байна. Мөн гурав дахь хэсэг нь  2000 оны эхэн үе хүрсэн 1970 оны сүүлээр эхэлсэн шинэчлэлийн тухай харуулжээ. Харин сүүлийн хэсэгт ерөнхийлөгч Ши Жиньпиний   Засгийн газрын үеийн  хөгжлийг тусгасан байна.

Мөн энэ хамгийн сүүлийн үзүүлбэрийн үеэр танилцуулсан сэдвийн дундаас тус үндэстний ядууралтай тэмцэх тал дээр гаргасан ахиц дэвшил, олон улсын үйл ажиллагаа, цар тахал COVID-19- тэй тэмцсэн тэмцлийг харуулсан  үзүүлбэрийг онцолжээ. Түүнээс гадна БНХАУ-ын  армийн хүчин чадлыг харуулсан байна. Тухайлбал,  тайзан дээр өнгөлөн далдлах хувцастай хүмүүс, танк, хуягласан машин  гарч ирсэн аж.

Харин  Хятадын намыг үүсгэн байгуулах хурал Шанхай  хотод 1921 оны долдугаар сарын  сүүлээр  болж байжээ. Анхны удирдагчдын дундаас намын ерөнхий нарийн бичгийн дарга болсон Чен Дюсиу, Ли Дажао нар тодорсон байна. Мөн тус намыг байгуулахад  идэвхтэй  хүмүүсийн нэг нь Оросын хувьсгал Григорий Волтинский Коммунист намын  төлөөлөгчөөр оролцжээ.

Эх сурвалж: www.polit.mn