Х.ОЮУНБОЛД

Диана гүнж автомашины ослоор нас барсан 1997 оны наймдугаар сарын 31-ны өдөр Парист байх ёсгүй байжээ. Тэрээр сүүлийн мөчид консерватив намтай  зөрчилдсөнөөр хийх байсан аялалаа хойшлуулах гайтай шийдвэрийг гаргасан байна. Түүнийг ийм шийдвэр гаргасныг бие хамгаалагч нь байсан Колин Теббутт баталж хэлсэн байна. Мөн Диана гүнжийн жолооч “Дейли Мейл” сонинд ярилцлага өгөхдөө “Дианаг  Лондон руу наймдугаар сарын 28-нд буцах ёстой байсан. Гэвч нислэгээ солихоор шийдсэн. Энэ шийдвэрийг мина хайгчдын эсрэг хийсэн түүний тэмцлийг эсэргүүцсэн  консерватив намын  улстөрчдийн шүүмжлэлийн улмаас сүүлд нь гаргасан” гэв. Түүнээс гадна тэд түүнийг сонгуулийн компанит ажлыг өөрийн имижээ сайжруулахын тулд ашигласан гэж буруутгасан.  Энэ нь тааламжгүй байснаас түүнийг зовоож байсан. Тиймээс бидэн холбогдсоноос гадна Их Британид түүнийг  энэ бүх зүйл хүлээж байгаа бол үүнийг хүсэхгүй гэж хэлсэн юм. Үүний оронд ирэх долоо хоногт буцна гэж  ярьсныг  Колин Теббут дурссан байна. Мөн гүнжийг тэр пүрэв гаригт буцсан байсан бол, өнөөдөр бүгд амьд байх байсан гэж харамсчээ.

 Тэр үед 36 настай байсан Диана гүнж 1997 оны нэгдүгээр сард мина булсан талбайгаар явсан болон минанд өртсөнөөр хүнд шархадсан хүүхдүүдтэй уулзсан Ангол улс руу явсан байна. Харин тэр жилийнх нь арванхоёрдугаар сард мина хэрэглэх, үйлдвэрлэх, хадгалах, мина хайгч хүмүүст өгөхийг хориглосон  Оттавагийн гэрээнд 122 орон гарын үсэг зуржээ. Мөн шинжээчид энэ мина нь жирийн иргэдэд их аюултай болох талаар мэдлэгийг дээшлүүлэхэд хувь нэмрээ оруулсныг хүлээн зөвшөөрсөн байна.

Гэхдээ консерватив намынхан гүнжийн хийсэн үйл ажиллагаанд баярласангүй. Тиймээс 1997 оны наймдугаар сард  тухайн үед Батлан хамгаалахын сайд байсан, консерватив намын  гишүүн Эрл Хоу, Диана гүнжийг  “тэнэсэн сум” бас мина хайгчдын тухай буруу мэдээлэл авсан гэж үзжээ. Харин улстөрч Петер Виггерс “Гүнжийг хуурамчаар үйлдсэн баримтуудыг үл тоомсорлож байна” гэж буруутгасан байна. Гэхдээ Диана гүнж хэзээ  консерватив намын бодлогыг эсэргүүцэж байгаагаа нууж байгаагүй аж. Тэрээр 1997 оны наймдугаар сард  Францын нэг сонинд ярилцлага өгөхдөө үүнийг нь ашиггүй гэж үзэж байгаагаа ярьж байжээ. 

Мөн сонинд Диана гүнж ослоор нас барахынхаа өмнө хамгийн сүүл утсаар ярьсан ярианы талаар мэдээллийг тавьсан байна.  Эх сурвалжийн хэлснээр тэрээр түүний дотны найз “Дейли Мейл” сонины  Ричард Кэйтэй ярьсан гэж аж.  Тэрээр “Диана гүнжийг бага зэрэг бухимдсан байсан. Учир нь түүний бүх төлөвлөгөө буруугаар эргэсэн. Тэр гэртээ харихыг, хүүхдүүдээ  харахыг хүсч байсан”  гэж ярьжээ.

Мөн 1997 оны тавдугаар сард төрийн эрхэнд гарсан Тони Блэрийн “Лейборист” нам гайхамшигтай ажил хийнэ  гэж итгэж байгаагаа илэрхийлсэн байна.

Эх сурвалж:www.polit.mn