Х.ОЮУНБОЛД
Нар буцахтай зэрэгцэн энэ даваа гаригт БНХАУ-ын Юлин мужид оролцогчид нь нохойн мах болон личи жимс иддэг маргаан дагуулсан баяр эхэлсэн байна. Мужийн иргэдийн ярьснаар саяхан эрх баригчид нь хотын галт тэрэгний үйлчилгээг тайлбар өгөлгүйгээр хойшлуулсан аж. Ингэснээр амьтдын эрхийг хамгаалах идэвхтэн хамгаалагчид Юлинд ирэхэд бэрхшээлтэй тулгарч байна гэж орон нутгийн хэвлэлд бичжээ.
10 өдөр үргэлжилдэг баярын өмнө Сычуань муж зэрэг холын мужуудын худалдаачид Юлинд нохой аваачихаар төлөвлөж байсан гэж бүлэг амьтад хамгаалагчид Вичатын хаягандаа бичсэн байна. Мөн энэ мужид цагдаагийнхан торонд хийсэн 56 нохой болон алах хэрэгсэл гэрээс нь олсны дараа Мяньян хотод нэг хүнийг баривчилжээ. Идэвхтнүүд аврагдсан амьтад их сульдсан байснаас гадна хүзүүндээ хүзүүвчтэй байснаас үзвэл зарим нь хулгайлагдсан гэрийн амьтад байж болно гэж мэдэгджээ. Мөн баривчлагдсан хүний хөршүүд нь түүнийг идэхийн тулд ойролцоогоор 20 жил нохой худалдаж байсан гэж ярьсан байна.
Гэхдээ нийтийн цахим сүлжээнд олон хятад иргэд энэ баярт амьтдыг хамгаалагч идэвхтнүүд очих боломжгүй болсоныг дэмжжээ. Мөн тэд орон нутгийн нохойн мах идэх соёлыг хөгжүүлэхийг дэмжинэ гэж ярьсан байна. Харин 2016 болон 2017 онд амьтдыг хамгаалагч идэвхтнүүд энэ баяр наадмын үеэр заруулахаар Юлины зах хүртэл 1000 гаруй амьд нохой ачиж явсан олон ачааны машиныг зогсоосноор амийг аварч байсан аж.
Эх сурвалж: www.polit.mn