С.САРУУЛ

Орчин цагийн онцгой байдлын байгууллага нэгдсэн тогтолцоонд шилжсэний 17  жилийн ой тохиож байна. Энэхүү түүхт өдөр Ерөнхийлөгчийн зарлигаар “Цэргийн гавьяаны улаан тугийн одон”-т ОБЕГ-т  “Байлдааны туг” гардууллаа. Шадар сайд С.Амарсайхан “Байлдааны туг нь Их Монгол Улс, эзэн Богд  Чингис хааны үеэс эхлэн Монгол цэргийн эр зориг, сүр хүч, алдар гавьяа, суу их ялалтын илэрхийлэл болсоор ирсэн гүн хүндэтгэлт бэлгэдэл билээ.Эх орон, ард түмэндээ өргөсөн тангарагтаа үнэнчээр хүчин зүтгэж, гал усны гашуун зовлон-гамшгийн аюулыг цаг ямагт сөрөн тэмцэж байдаг “Хайрлаагүй амь-халуун сэтгэл” та бүхнийх байдаг” хэмээн онцлон тэмдэглэсэн юм.  Онцгой байдлын байгууллага өдгөө гамшгаас хамгаалах техник, тоног төхөөрөмжийн нөхөн хангалтыг үндэсний хэмжээнд 20 гаруй хувиар өсгөж, парк шинэчлэлтийг 60-70 хувьд хүргэн  50 орчим анги, салбар шинээр байгуулан тусгайлан бэлтгэгдсэн мэргэжлийн боловсон хүчнээр эгнээгээ тэллээ. Аврагчид энэ хугацаанд 17012 эрдэнэт хүний амь нас, 310.4 тэрбум төгрөгийн эд хөрөнгийг авран хамгаалсан байна.

Эх сурвалж: www.polit.mn