• Зууны мэдээ сонин онлайн захиалга

Нийслэлийн иргэдийн 60 хувь нь У.Хүрэлсүхэд саналаа өгчээ

2021-06-10 12:19

 

Б.ОД

Монгол Улсын Ерөнхийлөгчийн найм дахь удаагийн сонгуулийн дүн урьдчилсан байдлаар гараад байна. Энэ удаагийн сонгуулийн ирц өмнөх долоон удаагийн Ерөнхийлөгчийн сонгуулийнхаас хамгийн багад тооцогдож байгаа юм. Нийт сонгогчдын нэрийн жагсаалтад бүртгэлтэй 2041985 иргэнээс 1208408 нь сонгуульдаа оролцсон байна. Үүнээс 573138 буюу 47 хувийг Улаанбаатар хотын сонгогчид эзэлж байна.

Нийслэлд санал хураалтад оролцсон эдгээр иргэнээс 59.76 хувь нь МАН-аас нэр дэвшигч У.Хүрэлсүхийг дэмжсэн бол 28.9 хувь нь "Зөв ХҮН электорат" эвслээс нэр дэвшсэн Д.Энхбат, 5.26 хувь нь АН-аас нэр дэвшигч С.Эрдэнэд саналаа өгчээ.  Ийнхүү урьдчилсан байдлаар У.Хүрэлсүх сонгогчдын олонхын саналыг авч, Ерөнхийлөгчийн сонгуульд ялалт байгуулаад байна. 

Олонхын саналыг авсан нэр дэвшигчийг Ерөнхийлөгчөөр сонгогдсонд тооцсон тухай шийдвэрийг СЕХ гаргаж, нийтэд мэдээлэх юм. СЕХ сонгуулийн дүн болон Ерөнхийлөгчөөр сонгогдсонд тооцсон тухай шийдвэрийг санал хураалт дууссан өдрөөс хойш 10 хоногийн дотор Монгол Улсын Их Хуралд өргөн мэдүүлэх хуулийн заалттай.

Эх сурвалж:www.polit.mn

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.