Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2021.06.10/ өглөө. Улсын хэмжээнд пүрэв гаригт 1460 хүнээс халдвар илэрч, 10 хүн нас баржээ.

Энэ талаар ЭМЯ-ны хэвлэлийн ажилтан Б.Ууганбаяр "Сүүлийн 24 цагт 10000 орчим хүнд шинжилгээ хийхэд 1460 хүнээс халдвар илэрлээ. Ингэснээр нийт халдварын тоо улсын хэмжээнд 70482 болж байна.Мөн хугацаанд 412 хүн эдгэрч тусгаарлалтаас гарсан бол 10 хүн эндлээ. Тодруулбал, 54, 72, 68, 64, 81, 57, 68, 71, 63, 65 настай хүмүүс эмнэлэгт хэвтэн эмчлүүлж байгаад коронавирусын  халдварын нэн хүнд хэлбэрээр нас барлаа. 1460 тохиолдлыг задалж харвал 955 нь Улаанбаатарт, 505 нь орон нутагт бүртгэгдсэн. Зөөвөрлөгдсөн тохиолдол бүртгэгдээгүй.Хөдөө орон нутагт халдвар эрс нэмэгдэж байна.Гурваас бусад аймагт коронавирусын халдвар нэмж бүртгэгдлээ. Иймд халдвар хамгааллын дэглэмээ баримтлах, дархлаажуулалтад хамрагдахыг зөвлөе" гэв.

 Эх сурвалж:www.polit.mn