Газрын тосны экспорт 239 хувиар нэмэгдэв

2021-06-07
Нийтэлсэн: Админ
 2 мин унших

Б.ТӨГС

Уул уурхайн яамнаас энэ оны эхнээс тавдугаар сарыг дуусталх хугацаанд экспортолсон уул уурхайн бүтээгдэхүүний статистикийг олон нийтэд мэдээллээ. Өнгөрсөн оны мөн үетэй харьцуулахад нүүрсний экспорт 40 гаруй хувиар нэмэгдсэн, харин зэс, төмрийн хүдрийн экспорт бага зэрэг буурсан дүнтэй байна. Тэгвэл газрын тосны экспорт даруй 239 хувиар нэмэгдсэн байгаа нь анхаарал татлаа. Тодруулбал, энэ оны эхний таван сард 2.1 сая баррель газрын тос экспортолсон нь өмнөх оны мөн үеэс 1.5 сая баррелиар нэмэгдсэн үзүүлэлт болжээ.

Өнгөрсөн долоо хоногт газрын тостой холбоотой бас нэгэн томоохон үйл явдал болсон нь БНЭУ-ын Засгийн газрын хөнгөлөлттэй зээлээр Дорноговь аймгийн Алтанширээ суманд барьж байгаа газрын тос боловсруулах үйлдвэрийн суурийг тавилаа. Газрын тосны үйлдвэр барих ажил 2017 оноос эхэлсэн бөгөөд 2018 оны арваннэгдүгээр сард УУХҮЯ-ны Эрдэс баялгийн мэргэжлийн зөвлөл ТЗҮГ-нь  хүлээн авсан. Харин өнгөрсөн долоо хоногт газар шорооны ажил нь албан ёсоор эхэлсэн юм.

Үйлдвэрийн хувьд жилд 1.5 сая тонн тос боловсруулах хүчин чадалтай.   

“Тосон-Уул XIX”, “Тамсаг-XXI” талбайгаас олборлосон тосыг боловсруулна.         

Монгол Улсын болон Евро V стандартад нийцсэн, жилд 8000-8750 цаг ажиллах боломжтой. 43 мянган  тонн шингэрүүлсэн шатдаг хий, 339 мянган  тонн авто бензин, 824 мянган тонн дизель түлш, 80 мянган тонн онгоцны түлш, 47 мянган  тонн зуухны түлш үйлдвэрлэх чадалтай байх юм. Тус үйлдвэр улс орны хэрэгцээг бүхэлд нь хангах, эрчим хүчний бие даасан байдлыг шийдвэрлэх зорилготой, стратегийн ач холбогдолтой бүтээн байгуулалт гэдгээрээ онцлог. Газрын тосны боловсруулах үйлдвэр баригдсанаар түлш шатахууны импортын хамаарлаас гарч, валютын гарах урсгал 20 орчим хувиар буурна. Мөн дотоодын нийт бүтээгдэхүүн 10 хувиар нэмэгдэж, улс, орон нутгийн төсвийн орлого өсөж, 600 гаруй ажлын байр бий болж, үйлдвэр дагасан жижиг дунд үйлдвэрлэл хөгжинө гэж мэдээлж байгаа юм.

Олон улсын зах зээлд ч газрын тосны салбар өнгөтэй байгаа юм. Өнгөрсөн жил үнэгүй шахам болтлоо илүүдэлд орж, уналтын байдалтай байсан энэ салбарынхан өнгөрсөн долоо хоногт 2018 оноос хойшхи хамгийн өндөр өсөлтийг үзүүллээ.

Газрын тосны фьючерс пүрэв гарагт илүү өндөр түвшинд хүрч, АНУ-ын зах зээл 2018 оноос хойш хамгийн өндөр түвшинд хүрсэн байна. Энэ нь тус улсын ДНБ-ий өсөлт, ажлын байрны өсөн нэмэгдэж байгаа үзүүлэлтүүдтэй холбоотой гэж “The Price Futures Group”-ийн зах зээлийн ахлах шинжээч Фил Флинн ярьжээ. АНУ-ын эдийн засгийн нөхцөл байдал өдрөөс өдөрт сайжирч, хөрөнгийн зах зээл, таваарын зах зээл гээд бүгд өсөлттэй гарч байгаа. Гэхдээ өнгөрсөн сард гаргасан урьдчилсан тооцооноос илүү хурдан нэмэгдэж, ажилгүйдлийн түвшин эрчимтэй буурч байгаа нь ийнхүү онцлох үзүүлэлт болж байгаа аж. Нью Йоркийн бирж дээр нэг баррель газрын тос 66.85 ам.долларт хүрсэн байна. WTI, Brent брэндийн фьючерсүүд таван улирал дараалан уналттай байсан ч хамгийн сүүлд огцом өсөлт үзүүлсэн нь энэ аж. 

ЭХ СУРВАЛЖ "ЗУУНЫ МЭДЭЭ" сонин  2021.6.7 ДАВАА № 113, 114 (6590, 6591)

В.Путин, Д.Трамп, Ши Жиньпин нарын уулзалтыг дэлхийн хэвлэлүүд хэрхэн дүгнэв?

Гурван их гүрний удирдагч анх удаа гурван талт уулзалт хийж, энх тайвны тухай хамтарсан тунхаглал гаргасан

15 цаг 17 мин
Монгол–Оросын хэвлэл мэдээллийн форум хиймэл оюун ухаан, мэдээний шинэ формат, соёлын онцлогийг хэлэлцэв

Монгол, Оросын сэтгүүлч, хэвлэл мэдээллийн салбарын мэргэжилтнү

20 цаг 23 мин
Өрнөдөд сандрал, Дорнодод найдвар, Шэньжэнээс томоохон ахиц дэвшил гарна гэж хүлээж байна

Тэднийг гурван бүлэгт хувааж болно. Геополитикчид (ихэнх нь барууныг баримжаалдаг бөгөөд одо

Өчигдөр 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Монгол Улсын зургаа дахь Ерөнхийлөгч У.Хүрэлсүх бүрэн эрхийнхээ хугацааг дуусахаас өмнө өөрийн хүсэл

Өчигдөр 06 цаг 00 мин
Д.Ариунсайхан: Хүүхдийн эрүүл мэндийн төлөө “Lumi care” эмнэлэг үзлэг, зөвлөгөөгөө үнэгүй хүргэдэг

НҮБ-аас 1959 оны энэ өдөр Хүүхдийн эрхийн тухай тунхаглал, 1989 онд Хүүхдийн эрхийн тухай конвенцыг

Өчигдөр 06 цаг 00 мин
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Уржигдар 16 цаг 51 мин
Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Уржигдар 14 цаг 25 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

Уржигдар 06 цаг 00 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

Уржигдар 06 цаг 00 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

Уржигдар 06 цаг 00 мин