С.САРУУЛ

Өнгөрсөн 24 цагийн хугацаанд 9045 хүний сорьцод шинжилгээ хийхэд 1024 хүнээс коронавирусийн халдвар илэрч, Монгол Улсад бүртгэгдсэн нийт халдварын тохиолдол 61396 боллоо. Мөн хугацаанд халдвар авсан 535 хүн эдгэрсэн бол хоёр хүн нас баржээ.  Өнөөдрийн байдлаар улсын хэмжээнд 51983 хүн COVID-19-өөр өвчлөөд эдгэрсэн бол 288 хүн уг өвчний улмаас нас бараад байгаа юм.

Шинээр илэрсэн 1024 тохиолдлын нэг нь зөөвөрлөгдсөн халдвар бол бусад нь дотоодын бөгөөд

883 нь Улаанбаатар хотод

140 нь орон нутагт бүртгэгдлээ.

Одоогоор Улаанбаатар хотод нийт 54,420 тохиолдол, орон нутагт 6,250 тохиолдол тус тус бүртгэгдээд байгаа юм.

Харин зөөвөрлөгдсөн тохиолдлын хувьд тавдугаар сарын 26-ны өдөр Токио-Улаанбаатар чиглэлийн онгоцоор ирсэн иргэдийн дундаас нэг халдвар батлагджээ.

Мөн хугацаанд 535 хүн эдгэрч, нийт эдгэрсэн хүний тоо 51,983 болж нэмэгдлээ. Өнөөдрийн байдлаар халдварын улмаас 4854 хүн эмнэлэгт хэвтэн эмчлүүлж байгаагаас

Хөнгөн – 2,558

Хүндэвтэр – 1,714

Хүнд - 461

Маш хүнд - 121 хүн байна.

Хөнгөн хэлбэрээр өвчлөн гэртээ тусгаарлагдаж байгаа 4,248 хүнд Өрхийн эрүүл мэндийн төвөөс хяналт тавьж байна.Түүнчлэн өнгөрсөн хоногт 78 болон 80 настай хоёр хүн уг өвчний хүндрэлээр эндлээ. Нас барсан иргэд эмнэлэгт хэвтэн эмчлүүлж байсан.

Эх сурвалж: www.polit.mn