Х.ОЮУНБОЛД

Урлагийн ертөнцөд нууц нэр нь жинхэнэ нэрээрээ өөрсдийгөө дахин нээж чадах хүртэл ашигладаг арга юм. Энэ нь уран зураг, уран зохиол, хөгжим, кино урлагт бүх цаг үед болж байсан зүйл байв.  Харин одоо орчин үед хүмүүсийн таньдаг алдар нэртэй Латин америк  хүмүүсийн жинхэнэ нэрийг мэдэж авцгаая.

Луйза Мэй Алкотт “Эмэгтэйчүүд” 1868 онд номоо бичснээр дэлхийд танигдсан зохиолч болжээ. Гэхдээ жинхэнэ нэрээ бичиж гарын үсгээ зурдаг болохоосоо өмнө АНУ-ын зохиолч тэрбээр олон өгүүллэг, туужаа А.М.Бернард гэсэн нууц нэрээр  уран бүтээлдээ тусгадаг завхайрал, цус ойртолтыг шүүмжлүүлэх боломжоос хамгаалахын тулд гаргадаг байсан аж. Гэхдээ дэлхийд нэрээ хамгаалахын тулд эрэгтэй нэр хэрэглэж байсан цорын ганц эмэгтэй биш. Шидтэний ертөнцийн тухай өгүүлдэг “Харри Поттер” цувралыг бичсэн Жоанна Роулинг анх номоо хэвлүүлэхдээ нэрнийхээ эхний хоёр үсгийг тавьж байсан аж. Учир нь эмэгтэй хүний нэр тавих нь номоо худалдахад саад болж  мэднэ хэмээн болгоомжилдог байжээ. Харин 2013 онд цагдаагийн тухай “Хөхөөгийн дуудлага” анхны номоо хэвлүүлэхдээ олон нийтэд танигдсаны дараа хэвлэлийнхнээс зайлсхийж Роберт Гэлбрэйт гэж нэрээ бичиж гарын үсгээ зурсан байна. Хэдийгээр нууц нэрийг өөрсдийгөө хамгаалахын тулд хэрэглэж болох ч ихэнх тохиолдолд уран бүтээлчдийн хувьд энгийн энэ нэрнүүд нь бүтээлч санааг илэрхийлсэн, зугаацах  боломж аж. Тиймээс ихэнх нь нэрээ сонгодгоос гадна бүх төрлийн нэр байна. Мөн Латин Америкт энэ үзэгдэл газар авсан. Гэхдээ энэ нь шинэ зүйл бас биш юм. Тухайлбал, олны танил болсон латин америк уран бүтээлчдээс найман уран бүтээлчийн жинхэнэ нэрийг жишээ болгож сонирхуулбал

Пабло Неруда

Хэдийгээр олон хүн мэддэггүй ч Чилийн яруу найрагч Пабло Нерудагийн жинхэнэ нэр нь өөр аж. Түүнийг төрөхөд нь Рикардо Элиесер Нефтали Рейес Басоалто гэж нэрлэсэн байна. Гэвч шүлэг, ном бичиж эхэлснээр Пабло Неруда гэж гарын үсээ зурахаар шийджээ. Энэ нь дараа нь албан ёсны нэр нь болжээ. Харин Неруда энэ талаар хэзээ ч ч ярьж байгаагүй  ч XIX зууны Чехийн зохиолч Жар Нерудагийн нэрийг авсан гэж боддог байна.

Ники Жем

Ники Жем бол орчин үеийн трап урсгалаар дуулдаг дуучдын нэг. АНУ-д төрсөн ч  Колумбийн иргэн. Харин түүний аав Пуэрто-Рикогийн иргэн бол ээж нь Доминикан гаралтай юм байна. Дуучны жинхэнэ нэр нь Ник Ривера Каминеро гэдэг аж. Тэрбээр өгсөн  ярилцлагууддаа урлагийн нэр болсон хочийг хошигнож өгснийг урлагийн нэр болгон ашиглажээ.

Ники Николе

Аргентинийн дуучин Ники Николе 20 настайдаа дуулж, үглэдэг байснаас гадна дуунуудаа зохиодог байжээ. Харин түүний урлагийн нэрний хувьд түүний хоч, албан ёсны нэрний эхний нэрийг нийлүүлж өгсөн юм байна. Дуучин бүсгүйн жинхэнэ нэрийг Николе Денисе Кукко гэдэг аж.

Наташа Клаусс

Телевизийн  цуврал киногоор танил болсон уран бүтээлчдийн нэг Колумбийн иргэн Наташа Клаусс “Гавиланесийн хүсэл тэмүүлэл” киноны Сарагийн дүрд тоглосноор алдартай болжээ. Түүний аав ээж нь уругвай хүмүүс ч өвөө эмээ нь Латви гаралтай. Тиймээс түүний аавын талын овог нь испани хэлээр ярьдаг орны иргэдийн хувьд түгээмэл биш аж. Жүжигчин бүсгүйн жинхэнэ нэрийг Наташа Александра Растапкевициус Аррондо, Клаусс гэдэг. Харин тэрбээр урлагийн нэрээ зохиохын тулд түүний ахын хоёр дахь нэрийг авсан байна.

Mалума

Колумбийн энэ дуучны жинхэнэ нэрийг Хуан Луйс Лондоно гэдэг. Тэрбээр нэр алдарт хүрэхийн тулд зохисон нууц нэртэй байхыг хүсдэг байсан учраас гэр бүлийнхээ ойр дотны хүмүүсийн нэрний эхний үеийг нийлүүлэн урлагийн нэртэй болжээ. Тиймээс ээжийнхээ нэр Марлигийн Ма, аавынхаа Луйс нэрний Лу болон Мануэла эмэгтэй дүүгийнхээ нэрний Маг авсан байна.

Bad Bunny

Пуэрто-Рикогийн иргэн Bad Bunny “Spotify” аппликейшнээр өнгөрсөн жил уран бүтээлийг нь их сонссон латин америк дуучны нэг болжээ. Түүний жинхэнэ нэрийг Бенито Антонио Мартинез Окасио. Гэхдээ тэрбээр Bad Bunny  нэрийг сонгож авсан нь багадаа туулай шиг хувцасласнаас гадна ядарсан байгаа нь харагддаг зурагтай холбоотой аж.

Висин, Яндель

Реггаетон дууны ертөнцөд Пуэрто-Рикогийн дуэт дуучин Висин болон Яндель нар хамгийн их танигдсан дуучдын нэг. Хэдийгээр тэд бие дааж ажилладаг ч тэдний нууц нэр тус бүр нь ялангуяа, дуэт дуучин болж хамтран дуулдгаараа олны танил болсон аж. Висинийн жинхэнэ нэрийг Хуан Луйс Морера Луна, Янделийг Ландель Вегилья Малаве гэдэг байна.

Эх сурвалж: www.polit.mn