Б.ОД

Засгийн газрын энэ оны хоёрдугаар сарын 17-ны өдрийн 42 дугаар тогтоолоор баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний “Ажлын байрыг дэмжих зээл”-ийг банкуудын эх үүсвэрээр  гуравдугаар сараас олгож эхэлсэн. Өнөөдрийн байдлаар нийт 5.5 их наяд төгрөгийн зээлийн хүсэлтийг 48442 иргэн аж ахуйн нэгжээс ирүүлжээ. Үүнээс 619 тэрбум төгрөгийн зээлийг 1368 аж ахуйн нэгж, 7662 иргэнд олгоcон байна.

Бүх нийтийн хатуу хөл хорио тогтоосонтой холбоотойгоор  зээлийн олголт удаашралтай байгаа хэдий ч энэ хугацаанд банкууд өмнө  нь хуримтлагдсан зээлийн хүсэлтүүдийг судалж, эцэслэх ажлыг хийж байгаа бөгөөд хөл хорио цуцлагдсаны дараа судалж дууссан зээлүүдийг иргэдэд олгохоор ажиллаж байгаа аж. Олон нийтийн мэдээллийн зарим хэрэгслээр санхүүжилтгүйн улмаас “Ажлын байрыг дэмжих зээл” зогсоод байгаа гэсэн мэдээлэл үндэслэлгүй гэдгийг Монголбанкнаас анхаарууллаа.Энэ хөнгөлөлттэй зээл нь тухайн банкны өөрийн эх үүсвэрээр санхүүжиж, банкнаас олгох эх үүсвэрийн хэмжээнд хүрээгүй тохиолдолд 2021 оны аравхоёрдугаар сарын 31-ний өдрийг дуустал олгох боломжтой юм.

Эх сурвалж:www.polit.mn