• Зууны мэдээ сонин онлайн захиалга

Р.Амаржаргал нэр дэвших материалаа хүргүүлжээ

2021-04-30 12:17

Т.САЙХАН

2021 оны Ерөнxийлөгчийн сонгуульд АН-аас нэр дэвшигчийг тодруулаx дотоод сонгуулийн хороонд  Ерөнхий сайд асан Р.Амаржаргал өрсөлдөхөө илэрхийлж, материалаа  /04.30/ хүлээлгэн өглөө.  Энэ үеэр Р.Амаржаргал "Ардчилсан нам өөрийн дүрмийн дагуу дотоод сонгуулиа зохион байгуулах гэж байна. Ардчилсан намын гишүүд та бүхний хариуцлагатай, сонголтоо зөв хийх нь нэн чухал учраас АН-ын нийт гишүүд маань цахим сонгуульдаа идэвхтэй, хариуцлагатай оролцож, олон том ялалтуудыг эхлүүлнэ гэж найдаж байна" хэмээн онцоллоо.

АН-аас нэр дэвшигчийг тодруулаx дотоод сонгууль 2021 оны тавдугаар сарын 1-нд цаxимаар явагдах юм байна.  Дотоод сонгуулийн хороонд Ерөнхийлөгчийн сонгуульд нэр дэвшигчид шаардлагын дагуу  материалаа бүрдүүлж өгөх бөгөөд тус хороо нь нэр дэвшигчийг намын нийт гишүүдээс санал авах ажиллагааг цахимаар зохион байгуулах юм байна.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.