• Зууны мэдээ сонин онлайн захиалга

Боксчид Чехэд болох “Гран при”-д хүч үзнэ  

2021-04-29 14:50

Ч.ЗОТОЛ

Чех улсын Усти-над-Лабем хотноо  ирэх  сарын  4-9-нд болох  51 дэх удаагийн Олон улсын гран-при тэмцээнд манай ширэн бээлийтнүүд  оролцоно.   Монголын боксын насанд хүрэгчдийн шигшээ багийн эрэгтэй зургаа, эмэгтэй гурван  тамирчин тус тэмцээнийг зорьж буй юм.

Эрэгтэй тамирчдаас  Х.Энхмандах, Х.Энх-Амар, Э.Цэндбаатар, Б.Чинзориг, Б.Мишээлт, О.Бямба-Эрдэнэ, эмэгтэй тамирчидаас  Л.Алтанцэцэг, О.Есүгэн, М.Намуун нар хүч үзэх юм. Монголын шигшээ багийн тамирчид  үүний  дараа ХБНГУ-д Кубын шигшээ багтай хамтарсан бэлтгэл хийнэ. Үргэлжлүүлэн ирэх сарын 21-нээс зургадугаар сарын 1-ний  хооронд АНЭУ-ын Дубай хотноо болох Азийн аварга шалгаруулах тэмцээнд оролцох тов гарсан байна.  Багийн ахлах дасгалжуулагчаар Ж.Энхтөр, дасгалжуулагчаар Монгол Улсын гавьяат А.Гантулга,  Боксын эмэгтэйчүүдийн шигшээ багийн багш  Б.Пүрэв-Очир нар ажиллах юм байна.

Эх сурвалж: www.polit.mn

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.