Х.ОЮУНБОЛД

АНУ-ын ливан, испани гаралтай куба хөгжимчин, продюссер Эмилио Эстефан өнгөрсөн сарын сүүлээр дуучин Женнифер Лопес, Глориа Эстефан болон 44 настай дуучин Шакирагийн нийтийн цахим сүлжээнд тавьсан зурагнуудыг шэйрлэжээ. Тэрээр Латин Америкийн хөгжмийн авардс 2021 наадмын эмэгтэй шилдэг дуучин төрөлд нэр нь дэвшээд байгаа колумби дуучныг шүтэн биширдэг аж. Өнгөрсөн жил АНУ даяар гүүглээр хайлт ихтэй байсан дуучин бүсгүй 13 настайдаа анх удаа телевизээр дуулж байсан байна. Түүнээс гадна түүний тавьсан зурагнууд дотор Шакирагийн 15 нас хүрсэн өдрөө тэмдэглэсэн зарим зураг орсон аж. Түүний энэ хүмүүсийн анхаарал татсан зургийг дуучин бүсгүйн намтар номыг бичсэн сэтгүүлч Эдгар Гарсиа Очоа нийтийн цахим сүлжээнд анх нийтэлжээ.

Шакираг дуучны карьераа эхлүүлэхэд залж чиглүүлсэн тэрээр дуучин бүсгүйтэй 30 нас хүрэх гэж байхдаа хамт авахуулсан зурагаа твиттертээ тавьсан байна. Түүний ярьснаар Шакира 15 насныхаа баярт Эдгарыг эхнэртэй нь урьжээ. Гэвч тэрээр ажил хэргийн уулзалтаар аялах болсон учраас баярт нь оролцож чадаагүй аж. Гэхдээ тэрээр тэр чухал өдөртэй холбоотой хоёр зургийг хадгалсан байна. Нэг зураг дээр түүний эхнэр болон залуу Шакиратай авахуулсан нөгөө дээр нь 15 насны баяраа тэмдэглэж байгаа охины найзууд болон гэр бүлийнхэнтэйгээ байгаа зураг аж. Харин зурагнуудын хувьд 2019 оны есдүгээр сард твиттерт оруулсан ч энэ оны эхээр нийтийн цахим сүлжээгээр тарсан нь энэ юм байна. Жерард Пикегийн эхнэр, хоёр хүүхдийн ээж Шакирагийн хар үстэй, 15 насныхаа баярт өмссөн шар өнгөөр чимэглэсэн гоёлтой, улаан даашинз өмссөн зураг аж. Мөн олон жил түүнийг дагаж байгаа шүтэн бишрэгчдийнх нь хувьд том олз юм.

Эх сурвалж: www.polit.mn