Э.Тэмүүлэн: Вакцины хариу урвал гурваас олон хоног үргэлжилбэл эмчид хандаарай

2021-03-24
Нийтэлсэн: Админ
 3 мин унших

Б.ТУУЛ

 

Дархлаажуулалт эхэлснээс хойш улсын хэмжээнд энэ сарын 21-ний байдлаар 209.278 хүнийг дархлаажуулалтад хамруулаад байна.  Вакцины хариу урвал болон дархлаажуулалтын талаар ХӨСҮТ-ийн Халдварт өвчний тандалт, сэргийлэлт эрхэлсэн дэд захирлын үүрэг гүйцэтгэгч Э.Тэмүүлэнгээс тодрууллаа.

-Вакцин хийлгэсэн иргэдэд халуурах, толгой өвдөх, ханиад хүрсэн мэт шинж тэмдэг илэрч байна. Вакцины хариу урвалын талаар иргэдэд мэдээлэл өгөхгүй юу?

-Вакцинжуулалт эхлээд 20 гаруй хонож байна.

Бид эхний ээлжинд эмч, эмнэлгийн ажилтнууддаа бага хэмжээгээр буюу хариу урвалыг нь шалгах зорилгоор цөөн тоогоор вакцин хийж байсан.Хариу урвал, шинж тэмдгийг тандсаны үндсэн дээр монгол хүний биед зохицох юм байна гэсэн дүгнэлтэд хүрч, вакцинжуулалтаа өргөн хүрээтэйгээр хийж эхлээд байна. Долдугаар сарын 1-нээс өмнө хүн амынхаа 60 хувийг вакцинжуулна гэсэн төлөвлөгөөтэй ажиллана. Вакцин бүр өөрсдийн гэсэн технологиор үйлдвэрлэгдсэн, өөрсдийн үйлчлэх механизмтай. Бүх вакцин хүний дархлааны системийг өдөөж байгаа учраас халуурах, толгой өвдөх, тарьсан хэсэгт хөндүүрлэх, улайх, жихүүдэс хүрэх шинж тэмдэг түгээмэл илэрдэг. АстраЗенека вакцины хувьд 10 хүн тутмын нэгээс дээшид ийм шинж тэмдэг илэрсэн. Бусад вакцины хувьд ч төстэй шинж тэмдэг илэрнэ. Вакцины заавар дээр тэр бүрийг бичсэн байгаа тул иргэд харах боломжтой. Эрүүл хүний дархлааны систем хариу урвал үзүүлдэг. Гэхдээ хариу урвал үзүүлэхгүй байна гээд та эрүүл бус гэсэн үг биш. Хүн бүрийн дархлааны систем, үзүүлэх хариу урвал өөр. Хариу урвал түгээмэл, энгийн зүйл гэдгийг иргэд ойлгох хэрэгтэй.

-Вакцины эхний тунг хийлгэснээс хойш хэдий хугацааны дараа хоёр дахь тунг хийлгэх вэ. Манайд хийж байгаа вакцинуудын хувьд давтамж хугацаа нь адилхан уу?

-АстраЗенека вакцины хувьд хоёр дахь тунг ДЭМБ-ын зөвлөснөөр хамгийн багадаа найман долоо хоногийн дараа хийнэ гэж заасан. Хятадын Синовак вакцины хувьд дөрвөн долоо хоног буюу 28 хоногийн зайтай тарихаар байгаа. Эхний тунг хийлгэснээр таны бие вирусыг дөнгөж таньж эхэлж байна гэсэн үг. Өөрөөр хэлбэл, эхний тунг хийлгэснээр вирусаас хамгаалах дархлаа бүрэн тогтохгүй. Тиймээс халдвар хамгааллын дэглэмээ вакцин хийлгээгүй хүний нэгэн адил баримтлах ёстой. Тухайн вакцинаас хамаараад тун хоорондын зай харилцан адилгүй. Хоёр тунгаа хийлгэснээс хойш дор хаяж 7-14 хоногийн дараа бүрэн дархлаа тогтоно. Гэхдээ бүрэн тун хийлгэсэн ч халдвар авах магадлалтай. Энэ талаарх судалгаа, шинжилгээний эцсийн дүгнэлт гараагүй. Тиймээс бүрэн тунгаа хийлгэсэн ч гадуур гарахдаа амны хаалт зүүх, хүн хоорондын зай барих хэрэгтэй.

-Вакцинаа хийлгэсний дараа хэдий хугацаанд биеэ ажиглах вэ. Зарим иргэнд хариу урвал илрэх төдийд айх эмээх зүйл ажиглагдаж байх шиг?

-Эмч тухайн хүнийг үзээд, биеийн байдлыг үнэлнэ. Вакцины эсрэг заалтгүй гэж үзвэл вакцин тарина. Хүлээх өрөө буюу ажиглах хэсэгт багадаа 15 минут байж, ямар нэг гаж нөлөө, хариу урвал гарах эсэхийг эмч ажигладаг. Судалгаанаас харахад гаж нөлөө, хариу урвалын 90-ээс дээш хувь нь 15 минутын дотор илэрч байгаа. Халуурах, жихүүдэс хүрэх, толгой өвдөх, зарим тохиолдолд бөөлжих, дотор муухай оргих, тарьсан газар өвдөх, улайх шинж тэмдэг түгээмэл буюу 40 хүртэлх хувьд илэрнэ. Харин энэ урвал гурваас олон хоног үргэжилбэл эмчид хандах хэрэгтэй. Судалгаагаар хоёр хоногт хариу урвал арилж байгаа.

-Зарим иргэн вакцинд хамрагдах шаардлагагүй гэсэн бодолтой байгаа. Энэ иргэдэд хандаж юу гэж хэлэх вэ?

-Монгол Улс вакцинжуулалтын 100-гаад жилийн түүхтэй. Халдварт өвчинтэй тэмцэх хамгийн үр дүнтэй арга бол дархлаажуулалт буюу вакцинжуулалт. Вакцинд аль болох олон иргэнээ хамруулж байж хэвийн амьдралдаа шилжинэ. Тиймээс иргэд вакцинжуулалтдаа идэвхтэй хамрагдах хэрэгтэй.

Эх сурвалж: “Зууны мэдээ” сонин

2021.3.24 ЛХАГВА № 57 (6534)

 

Үнэнг эрэлхийлэгч
Хөх толбот Монголчууд минь,СЭР СЭР СЭР Хөлбөрөн өнгөрөх хором мөч үргэлжилсээр Хүн төрөлхтөний мөн чанар үгүй болжээ Хөх тэнгэр дэх өвгөдийн сургааль санаач Худал үнэн,хар цагаан аль аль нь Хорвоо ертөнцөд тэнцүү байж тэнцвэржинэ Хэн нэгний шунаг сэтгэл,хорон санаа Хэрээс хэтэрч хүнээ байх нь ээ Эрхээ эдэлж,дураараа аашлагчид Илүүг идэж,бэлүү долоогчид Хээл хахуулиар хэмх ховсдуулан Ховдоглон идсээр чөтгөр болжээ Цаг улирлын ханиад томуугаар Цар тахал,ковид корона хэмээн Хий ханиалга,хоосон хийрхэл Хүмүүний сэтгэл үймүүлэн сандаргаж Хөх толботны хөөрхөн үрс Удам угсааг сүйрүүлж устгах Уудам газар нутагт шунасан Хар санаатны арга ядсан үйлдэл Шунасан сэтгэлт өмхий тулмуудад Шургалж ядсан тархи угаалт Түмнээ барьцаалсан увайгүй сэтгэл Төрөө худалдсан чөтгөрүүдийн үйл шүү Хорт хавдар эдгэх энэ цаг үед Хоосон сэжгээр сэтгэл өвчлүүлж Хандив нэрийн дор хуйвалдаж Хортой тарилгаар хордуулж байна Сэжгээр өвчилж сүжгээр эдгэдэг Дэм дэндээ дархлаагаа дэмжин Дулаан явбал 1000 лан шүү СЭР СЭР СЭР,чимээгүй үхэл!?!
харамсалтай
СИНОВАК вакциныг элэгний В, С вирустэй хүнд хийх ёсгүй гэж ТА ярьжээ. ЯАГААД энэ мэдээг урьдчилаад зарлаж болдоггүй юм вэ?
Г.Лувсанжамц: Барбадос улстай дипломат харилцаа тогтоож болно, харин харилцан визгүй байж болохгүй

Г.Лувсанжамц: Барбадос улстай дипломат харилцаа тогтоож болно, харин харилцан визгүй зорчиж болохгүй

39 мин
ХӨСҮТ-ийн ерөнхий захирлаар С.Энхболдыг томилжээ

ХӨСҮТ-ийн ерөнхий захирлаар С.Энхболдыг томилжээ

48 мин
“Монполимет”-ийн дансыг царцааж, үүсгэн байгуулагч Ц.Гарамжавыг нь эрүүгийн хэрэгт шалгаж байна

“Монполимет” группийн ТУЗ-ийн дарга Б.Мөнхнасан өчигдөр “…Энэ жил манайх ТОП-100 аж а

5 цаг 48 мин
“Г.Дамдинням сайд эрдэс баялгийн салбарыг “эх орончид”-ын шантаажаас салгах нь” гэсэн хүлээлт үүсжээ

Монгол баян. Монгол Улсын 3.5 сая иргэнд хангалттай байгалийн баялагтай. Гэхдээ түүнийг хэрхэн

5 цаг 48 мин
Л.Оюун-Эрдэнийн орлогыг АТГ-аас “тайлбарлах”-д 18 хоног үлдлээ

Ерөнхий сайд Л.Оюун-Эрдэнийг огцруулснаас хойш сар шахмын хугацаа өнгөрлөө.

5 цаг 48 мин
Алтны шороон ордыг биш үндсэн ордыг эдийн засгийн эргэлтэд оруулна

УИХ-ын чуулганы нэгдсэн хуралдаан өчигдөр болж,  Төсвийн тогтвортой байдлын тухай ху

5 цаг 48 мин
Хүчирхийлэгчдийг чангалах хууль санаачлаад яаралтай горимоор хэлэлцүүлчих гишүүн алга уу?

Хэдхэн хоногийн өмнө “Gem mall” төвд өдрийн цагаар, олон нийтийн дунд ажлын байрандаа

5 цаг 48 мин
Орон нутгийн карт эзэмшигчдэд зориулсан урамшуулал эхэллээ

Голомт банкны хамт олон 30 жилийнхээ ойг тохиолдуулан картын загвараа бүрэн шинэчилж, хил х

20 цаг 1 мин
ГОЛОМТ БАНК МОНГОЛ УЛСЫН ТОП-100 АЖ АХУЙН НЭГЖИЙН 5 ДУГААРТ ЭРЭМБЭЛЭГДЛЭЭ

Монгол Улсын Засгийн газар, МҮХАҮТ-аас улсынхаа нийгэм, эдийн засгийн х

20 цаг 48 мин