С.САРУУЛ

 Шадар сайд С.Амарсайхан өчигдөр орой /2021.03.16/ 22:00 цагт Эрүүл мэндийн яаманд ажиллаж, Улсын онцгой комиссоос өгсөн үүрэг даалгаврын биелэлтийг шалгалаа.Тодруулбал, цар тахлын халдварын тохиолдол нэмэгдэж буй энэ цаг үед эрүүл мэндийн тусламж үйлчилгээний чиглэлээр авч хэрэгжүүлэх арга хэмжээний төлөвлөгөө, зохион байгуулалтыг хянаж сайжруулахаар мэргэжилтнүүдтэй хуралдлаа. Халдварын тархалт өсөж буйтай холбогдуулан болзошгүй эрсдэлээс урьдчилан сэргийлэх үүднээс эмнэлгийн орны хүртээмжийг нэмэгдүүлэх, эмнэлзүйн багийн нөөц боломжийг бүрэн дайчлах бэлтгэлийг ханган ажиллаж байна. Цаашид хөнгөн хэлбэрийн өвчтөнүүдийг гэрээр тусгаарлаж, мэргэжлийн эмчийн хяналт дор гэрээр эмчлэх зохион байгуулалтад шилжинэ.

Одоо эмчлэгдэж буй иргэдийн 90 орчим хувь нь биеийн байдал хөнгөн байгаа тул гэрээр эмчлэх боломжтой гэж УОК-ын Шуурхай штабын дэргэдэх Эрдэмтдийн зөвлөлөөс өгсөн зөвлөмжийн дагуу Шадар сайд хөнгөн хэлбэрийн халдвар тээгчдийг гэрээр нь тусгаарлах ажлыг нэн даруй эхлүүлэхийг холбогдох албаныханд даалгалаа.

Эх сурвалж: www.polit.mn