Б.ТУУЛ
"Зууны мэдээ" сонины “Үндэсний мэдээллийн төв”-д өнөөдөр 10:00 цагаас "TTJVCo" ХХК-ийн ажилчид "Эрдэнэс тавантолгой" ХК-аас нүүрс олборлох гэрээг гэнэт цуцалсныг эсэргүүцэж, ажлын байраа хамгаалах тэмцэл эхлүүлж байгаа талаараа мэдээлэл хийлээ. Хуралд , уул уурхайн салбарт үйл ажиллагаа явуулж буй Хятадын хөрөнгө оруулалттай гэх “Ти Ти Жи Ви Си Оү” ХХК-нд ажиллаж байгаа инженер, техникч, оператор, токарчин гэх мэт 900 гаруй ажилчдын төлөөлөл, 20 орчим хүн оролцож, “Эрдэнэс Тавантолгой” ТӨХК, түүний төлөөлөн удирдах зөвлөлөөс дээрх компанийн үйл ажиллагаа явуулах гэрээг цуцалснаас болж, тус компанид харьяатай 2000 ажилчдын хөдөлмөрлөх эрх зөрчигдөж байгаа төдийгүй ажилчдын ар гэрийнхэн, ах дүүстээ үзүүлдэг тус дэм үгүй болж, Монголд ажилгүй залуучуудын тоо тэр хэрээр нэмэгдэж байгааг эсэргүүцэн мэдээлэл хийлээ. Тэд маргаашнаас эхлэн төв талбайд тайван жагсаал хийж, эсэргүүцлээ илэрхийлнэ гэдгээ мэдэгдэж байна. Мөн Монгол Улсын Ерөнхий сайд Л. Оюун-Эрдэнэ, Уул уурхай, хүнд үйлдвэрийн сайд Г.Ёндон нарт гомдол шаардлага хүргүүлж, энэ асуудлыг нааштайгаар шийдвэрлэж өгөхийг хүсч байна гэлээ.
Хоёрдугаарт, дэлхий дахинд тархаад буй цар тахал, коронавируст халдварын тархалтын үед Монгол Улсын Засгийн газраас ард иргэдийн ажлын байрыг хадгалж үлдэх бодлогыг барьж байгаа. Гэтэл тус компанийн гэрээг цуцалж, олон зуун хүнийг ажлын байргүй болгож байгаа нь тус компанийн 900 гаруй ажилтан, туслан гүйцэтгэгч байгууллагуудын 3000 гаруй ажилтан, тэдний ар гэрийг ажилгүй, орлогоггүй, ажлын байргүй болгож байгаа нь Засгийн газрын бодлого шийдвэрт нийцэхгүй байна хэмээн мэдэгдэв.
Эх сурвалж: www.polit.mn