Х.ОЮУНБОЛД

2001 онд Youtube гэж байгаагүй. Гэхдээ тэр жилийн ихэнх дуу амжилтад хүрч мартагдагшгүй хит дуу болсоор өнөөдрийг хүрсэн байна. Та үүнд итгэхгүй байж болох ч энэ дуунууд анх цацагдсан цагаасаа хойш энэ жил 20 нас хүрч байна. Мөн зарим дуу нь үргэлж радиогоор явж, 20 жил телевизээр гарсан хэвээр.

Шакира “Whenever, Wherever“

Энэ дуунуудын жагсаалтын эхэнд Колумби дуучин Шакираг дэлхийд танигдсан нэртэй од болоход нөлөөлсөн “Whenever, Wherever“ шилдэг дууны “Billboard Hot 100” жагсаалын эхний байрт оржээ. Мөн АНУ-д их худалдагдсанаар амжилттай яваа дуунуудын жагсаалтад багтсан байна.

“In the end” Линкин Парк

Харин  II байрт Линкин Парк хамтлагийн хамгийн их танигдсан, АНУ-ын хамтлагийн бэлэг тэмдэг болсон хамтлагийн “In the end “ дуу оржээ. Биллбоард сэтгүүлд бичснээр 2000 оны хүмүүс их сонссон хоёр дахь рок дуугаар нэрлэгдсэн байна.
“Lady Marmalade” Кристина Агуллера, Лил Ким, Майя, Пинк 

Энэ жил 20 нас хүрч байгаа дуунуудын III байрт Кристина Агуллера, Лил Ким, Майя, Пинк нарын хамтран дуулсан энэ дуу амжилтад хүрчээ. Мөн АНУ-д 2001 онд олон долоо хоногоор зарагдсан байна. 1975 оны шилэг дууны нэг хувилбар бөгөөд “Моулин Роуже” киноны хөгжмийн нэг хэсэгт багтдаг байна. Харин дараагийн байрт 2001 оны сүүлээр гарсан АНУ-ын Нью-Йорк хотын рок “The Strokes” хамтлагийг алдаршуулсан “Last Nite” хэмээх дуу оржээ. Энэ дуу нь 2000 оны эхээр сонсдог байсан инди рокийг шинэ түвшинд гаргасан гэгддэг байна. Харин 20 нас хүрч байгаа хамгийн сүүлийн дуугаар Их Британийн виртуал “Gorillaz” хамтлагийн дебют цомгийн “Клинт Иствуд” дууг нэрлэжээ. Энэ дуу 2001 онд Их Британид их сонсдог дууны болсон аж.

Эх сурвалж: “Зууны мэдээ” сонин 2021.1.25 ДАВАА № 17 (6494)