С.САРУУЛ
Коронавируст халдвар голомтлон гарсантай холбогдуулан Баянгол дүүргийн дөрөвдүгээр хорооны тодорхой байршилд хэсэгчилсэн хязгаарлалт хийж, нийт 5023 иргэнийг халдварыг тандах, илрүүлэх PCR шинжилгээнд хамруулсан. Шинжилгээнд хамрагдсан иргэдийн хариу бүгд сөрөг буюу халдвар илрээгүй байна. Шинжилгээг нэгдүгээр сарын 14-15-ны хооронд зохион байгуулсан бөгөөд Баянгол дүүргийн 4 дүгээр хорооны нутаг дэвсгэрт голомтлон гарсан коронавируст халдварын тандалт судалгааг амжилттай хийж, тархалтыг хумьж чадсаныг Нийслэлийн эрүүл мэндийн газраас мэдэгдлээ.
Эх сурвалж: www.polit.mn