Дээд шүүхийн тогтоол Ерөнхийлөгчид ашигтайгаар бичигдэнэ гэв үү

Нүүр

Залуус-Улс төр

Дээд шүүхийн тогтоол Ерөнхийлөгчид ашигтайгаар бичигдэнэ гэв үү

2021-01-15

Нийтэлсэн: Админ

2 мин унших

ХУВААЛЦАХ

ЖИРГЭХ

Б.Дамдин-Очир

Дээд шүүх 2021 оны нэгдүгээр сарын 14-ний өдөр /өчигдөр/АН-ынхнаас ирүүлсэн тус намын Үндсэн дүрэмд оруулсан нэмэлт өөрчлөлтийг бүртгүүлэх, цахим бүртгэлд намын даргын бүртгэлийг өөрчлүүлэх болон бусад хүсэлтийг хэлэлцсэн.
Тодруулбал, АН-ын 2020 оны арванхоёрдугаар сарын 18-ны өдрийн X Их хурлаар баталсан Үндсэн дүрэмд оруулсан нэмэлт өөрчлөлтийг бүртгүүлэх, улсын бүртгэлийн гэрчилгээнд өөрчлөлт оруулах хүсэлтийгУИХ-ын гишүүн Ц.Туваан, харин АН-ын тамга, тэмдгийн хяналтын дугаарыг бүртгүүлэх, цахим бүртгэлд залруулга хийлгэх хүсэлтийг С.Эрдэнэ гаргажээ.

Дээд шүүхийн Иргэний хэргийн танхимын шүүгч Г.Алтанчимэг илтгэж хэлэлцээд АН-ын үндсэн дүрэмд оруулсан нэмэлт өөрчлөлтийг бүртгүүлэх, улсын бүртгэлийн гэрчилгээнд өөрчлөлт оруулах талаар гаргасан Ц.Тувааны хүсэлтүүдийг хангахаас татгалзаж, цахим бүртгэлд намын даргаар С.Эрдэнийг бүртгүүлэх талаар гаргасан С.Эрдэнийн хүсэлтийг хангахаас татгалзаж, цахим бүртгэлд байсан Ц.Тувааны нэрийг хасав.

Ингэснээр цахим бүртгэлд тус намыг төлөөлөх эрх бүхий этгээдийн бүртгэл тодорхой бус үлдэж, нам тухайн дотоод асуудлаа шийдвэрлэж, энэ талаар дахин хандах эрхтэй болжээ. Мөн тамга тэмдгийн асуудлыг эрх бүхий байгууллагад хандаж шийдвэрлүүлэх нь зүйтэй гэж үзжээ.
Өөрөөр хэлбэл, үүгээр АН албан ёсоор даргагүй, тамгагүй, бас Х Их хурал нь хүчингүй болчихож байгаа юм.
Тэгвэл Дээд шүүхийн Иргэний танхимын тэргүүн Х.Сонинбаяр Ерөнхийлөгч Х.Баттулгад АН-ын асуудлыг шийдсэн шүүгч Г.Алтанчимэгийн бичих тогтоолд тус намын Их хурлыг хуралдуулахгүйгээр ҮБХ-ны тогтоолд өөрчлөлт оруулах боломжийг тусгуулах амлалтыг өгсөн байж болзошгүй гэх мэдээлэл улс төрийн хүрээнд яригдаж байна.

Товчилбол, АН-ын талаарх Дээд шүүхийн тогтоол өчигдөр хэлэлцэж шийдсэнээсээ өөрөөр гарч болзошгүй гэж байна.
Тогтоол бичгээр гарч ирэхэд энэ мэдээллийн үнэн, худал нь тодорхой болох юм.

Гэхдээ Танхимын тэргүүн Х.Сонинбаяр, шүүгч Г.Алтанчимэг нар шүүх байгууллагад олон жил ажиллаж буй нэр хүндтэй, туршлагатай шүүгчид юм.
Х.Сонинбаярыг Дээд шүүхийн Иргэний хэргийн танхимын тэргүүнээр Монгол Улсын Ерөнхийлөгчийн 2015 оны 3 дугаар сарын 24-ний өдрийн 51 дүгээр зарлигаар томилсон. Х.Сонинбаяр нь ОХУ-ын Эрхүү хотын Улсын их сургуулийн хуулийн ангийг төгссөн. Хуульч мэргэжилтэй, хууль зүйн ухааны магистр зэрэгтэй. Монгол Улсын шүүхийн шүүгчийн “Дэд түшээ” зэрэг дэвтэй.
1986-1991 онд Налайх дүүргийн шүүхэд шүүгч, Ерөнхий шүүгч, 1991-1993 онд Улаанбаатар хотын хууль зүйн газарт хот дүүргийн шүүх хариуцсан зааварлагч, 1993-2012 онд Нийслэлийн давж заалдах шатны шүүхэд шүүгч, 2012 оноос Улсын Дээд шүүхийн шүүгчээр ажилласан.
Шүүгч Гүррагчаагийн Алтанчимэг нь Дундговь аймгийн Мандалговь суманд төрсөн. 1984-1991 онд ОХУ-ын Эрхүү хотын Улсын Их сургууль хуулийн анги төгссөн. Эрх зүйч мэргэжилтэй, хууль зүйн ухааны магистр зэрэгтэй.
1991–1995 онд Сүхбаатар дүүргийн шүүхийн нарийн бичгийн дарга; 1995-1996 онд Сүхбаатар дүүргийн шүүхийн орлогч шүүгч; 1996–1998 онд Сүхбаатар дүүргийн шүүхийн туслах шүүгч, шүүгчийн туслах;
1998-2011 онд Сүхбаатар дүүргийн шүүхийн шүүгч;
2011-2013 онд Нийслэлийн шүүхийн шүүгч; 2013-2015 онд Иргэний хэргийн Давж заалдах шатны 10 дугаар шүүхийн шүүгч; 2015 оны 4 дүгээр сарын 22-ний өдрөөс Улсын Дээд шүүхийн шүүгчээр ажиллаж байна.

Эх сурвалж: polit.mn

Дээд шүүхийн тогтоол Ерөнхийлөгчид ашигтайгаар бичигдэнэ гэв үү

С.Нарангэрэл: УИХ ёс зүйгүй гишүүнийг хаацайлан дархлагч болох ёсгүй

Шүүхээс Д.Амарбаясгаланд авсан хилийн хоригийг үргэлжлүүлэхээр шийдвэрлэжээ

Ормузын хямрал хууль дүрэмд суурилсан дэлхийн дэг журмын хэврэг талыг харууллаа

Ерөнхийлөгчийн хууль: Намын бүлгүүд санал хураалтад гишүүдийнхээ саналыг хайрцаглахгүй орно

“Эрдэнэт”-ийн 49 хувийг төрд авах УИХ-ын 23 дугаар тогтоолыг “гацаасан” шүүхийн гурван шийдвэр

ОХУ-аас дизель түлшийг хөнгөлөлттэй үнээр эсвэл хөнгөлөлттэй нөхцөлөөр худалдан авах хүсэлтээ илэрхийллээ

Ц.Мөнх-Оргил нарын 13 улсад суух Элчин сайдад Итгэмжлэх жуух бичгийг нь гардуулав

Парламентын эзэн эрхт ёс ба парламентын халдашгүй дархан байдал

О.Цогтгэрэл: Ерөнхийлөгчийн хуульд УИХ-ыг дархлаагүй болгох үзэл санаа явж байна

Дундговь аймгийн боловсролын салбарт 100 сая гаруй төгрөгийн тоног төхөөрөмжийн хөрөнгө оруулалт хийв