Б.ДОЛЖИНЖАВ

ХХААХҮ-ийн сайд З.Мэндсайхан  БНСУ-ын Жижиг, дунд үйлдвэр болон гарааны бизнесийн сайд Парк Ёон Сунтай  уулзаж, ЖДҮ, гарааны бизнес, хоршооллыг хөгжүүлэх чиглэлд  цаашид хамтран ажиллах харилцан ойлголцлын санамж бичигт өнөөдөр гарын үсэг зурлаа.  Ингэснээр жижиг, дунд үйлдвэрлэлийг хөгжүүлэх, хоршооллын үйлчилгээг дэмжих зорилгоор мэргэжилтэн солилцох, хоёр орны энэ чиглэлийн аж ахуйн нэгж болон институт хоорондын хамтын ажиллагааг өргөжүүлэх боломж бүрдэж байгаа юм.

Энэ талаар ХХААХҮ-ийн сайд З.Мэндсайхан “Хүнс, хөдөө аж ахуй, хөнгөн үйлдвэрийн яам болон Жижиг, дунд үйлдвэрийн газар нь Солонгосын Жижиг, дунд үйлдвэр болон гарааны бизнесийн яамтай хамтран салбар дундын зохицуулалтыг ханган, төрийн болон төрийн бус байгууллагын уялдаа холбоог сайжруулан ажиллана. Хоёр орны жижиг, дунд үйлдвэрүүд болон бизнес эрхлэгчдийн хамтын ажиллагаагаа өргөжүүлж ажиллахад түлхүү анхаарна” гэв.

Уулзалтад ХХААХҮЯ-ны  Бодлого төлөвлөлтийн газрын дарга Ц.Болорчулуун, ЖДҮГ-ын дарга Я.Эрдэнэсайхан, ЖДҮГ-ын Бодлого зохицуулалтын хэлтсийн дарга А.Гэрэлзаяа,  Гадаад хамтын ажиллагааны дарга Б.Ганзориг, ГХЯ-ны Ази номхон далайн орнуудын газрын орнуудын нэгдүгээр нарийн бичгийн дарга Б.Жамсран болон холбогдох бусад албаныхан оролцлоо.

Эх сурвалж:www.polit.mn