Х.ОЮУНБОЛД

Аргентинийн хөлбөмбөгийн од Диего Армандо Марадонад хийсэн тархины  мэс засал амжилттай болжээ. Тэрээр одоо өрөөндөө амарч байна гэж түүний хэвлэлийн албаны дарга Себастьян Санчи инстаграммдаа бичсэн байна.

Түүнийг хагалгаа хийлгэх үеэр дэмжиж байгаагаа илэрхийлж олон шүтэн бишрэгч нь эмнэлгийн гадаа ирсэн байна. Үүний өмнө Диего Марадонагийн эмчлүүлж байсан Плата хотын Ипенса эмнэлэгт тархинд аюул учруулж болзошгүй согог байгааг илрүүлжээ. Тиймээс  хэдэн цагийн дараа өөр эмнэлэгт яаралтай шилжүүлсэн түргэний машиныг шүтэн бишрэгчид нь дагаж явсан байна. Тиймээс цагдаагийнхан сэтгэл нь хөдөлсөн хүмүүс болон олон сэтгүүлч цугласнаас тээврийн хөдөлгөөнийг зохицуулахын тулд аюулгүй байдлын албаны олон машин оролцуулсан үйл ажиллагааг зохион байгуулжээ. Мэс засал дууссаны дараа эмч гарч ирэн хүмүүсийг тайвшруулаж “20 минут үргэлжилсэн тархины мэс засал амжилттай боллоо. Диего сэрсэн. Бүх юм сайн байна. Гэхдээ хяналтад байгаа түүний эмнэлгээс гарах эсэх нь өвчтөний бие хэрхэн өөрчлөгдөхөөс хамаарна” гэж хэлжээ. Нэрт хөлбөмбөгчнийг дэмжихээр ирсэн хүмүүс түүнд тусалсанд нь эмчид баярласнаа илэрхийлсэн байна.

Эх сурвалж: www.polit.mn