Т.САЙХАН

Засгийн газар 2019 оны гуравдугаар сарын 6, мөн оны есдүгээр сарын 13-ны өдөр, 2020 оны дөрөвдүгээр сарын 15-ны өдөр тус бүр зургаан сарын хугацаагаар "Эрдэнэт" үйлдвэрт тогтоосон онцгой дэглэмийг сунгасан байдаг.   Энэ хугацаа маргааш буюу Орон нутгийн сонгуулийн санал авах өдөр дуусна. Өнгөрсөн хугацаанд  Ерөнхий сайд У.Хүрэлсүх  “Эрдэнэт үйлдвэр”-ийг шалгах ажлын хэсгийг өөрчилсөн. Тус ажлын хэсгийн дарга ЗГХЭГ-ын дарга Л.Оюун-Эрдэнийг гаргаж, Шадар сайд Я.Содбаатарыг даргаар нь томилсон. Ерөнхий сайдын ахлах зөвлөх Ж.Энхбаярыг нарийн бичгийн даргаар нь тавьсан. Ажлын хэсэг нэг бус удаа хуралдсан талаар эх сурвалж мэдээлж байна. Тэгвэл өнөөдөр /10.14/ ЗГХЭГ-ын дарга Л.Оюун-Эрдэнэ энэ асуудалтай холбоотойгоор тайлбар өглөө.  Тэрээр "Эрдэнэт үйлдвэр"-ийн 49 хувь Сингапур улс руу шилжих гэж байсантай холбогдуулан онцгой дэглэм тогтоосон. УИХ-ын тогтоолын дагуу "Эрдэнэт үйлдвэр" төрийн өмчит компани болчихсон. Улмаар онцгой дэглэмийн хугацаа дууссан. Уг хэрэгт холбоотой Д.Эрдэнэбат, Б.Болор гэх мэт хүмүүс ял аваад явсан. Ерөнхийдөө ажлын хэсэг үүргээ гүйцэтгэсэн гэж үзэж байна. Одоо УИХ-ын тогтоолоор үлдсэн нэг асуудал нь 400 гаруй сая ам.долларын асуудал. Аль нь төрөөс, эсвэл Худалдаа хөгжлийн банкнаас гарсан тухай асуудал. Миний хувьд 100 хувь төрийн мөнгө гэж үзэж байгаа. Тухайн үед Монголбанк, Хөгжлийн банкнаас хоёулангаас нь мөнгө гарсан байсан. Үүнийг суутган тооцох замаар тооцоолол хийх байх. Үүн дээр шинээр гарсан ажлын хэсэг ажиллана" гэлээ. 

Эх сурвалж:www.polit.mn