УИХ-ын гишүүн Э.Бат-Амгалан тойргийнхоо иргэдийнөмнө тулгамдаж байгаа асуудлыг шийдвэрлүүлэх, бодит байдлыг газар дээр нь танилцуулах зорилгоор Зам, тээврийн хөгжлийн сайд Л.Халтар, Нийслэлийн авто замын хөгжлийн газрын даргын үүргийг түр орлон гүйцэтгэгч Б.Индра нарын хамт тойрогтоо ажиллав.
Баянзүрх дүүргийн 9, 10, 20 дугаар хорооны иргэд, сонгогчдоос Шархадны эцсийн буудлаас Ээж хайрханы өвөрт баригдсан сургууль, цэцэрлэг хүртэл, Гачууртын эцсийн буудлаас зүүн тийш Гялалзах, Могойт, Улиастайн гүүрнээс эргийн баруун талаар Улаанхуаран чиглэлд авто зам шинээр барих асуудлыгшийдвэрлүүлэхээр ирүүлсэн санал хүсэлтийг холбогдох сайдад нь уламжлаад орхих биш газар дээр нь нөхцөл байдлыг танилцуулж, ажиллах нь илүү үр дүнтэй гэж Э.Бат-Амгалан гишүүн үзжээ.
Тэрбээр эхний ээлжинд Гачууртын автозамын төгсгөлөөс Гялалзах, Могойт дэнж хүртэл 4,7 км авто зам шинээр барих хөрөнгийн эх үүсвэрийг ирэх оны улсын төсвийн төсөлд тусгуулан ажиллаж байгаа талаараа дурдлаа.
Мөн нийслэлийн авто замын бодлогыг салбарын сайд, нийслэл хамтран тогтоож, түүнийгээ хатуу баримтлах, авто замын мэргэжлийн байгууллага нь хаана, ямар чиглэлд авто зам шинээр барих, тэр нь түгжрэлийг сааруулахад ямар ач холбогдолтой болохыг шийддэг болох хэрэгтэйг онцлов.
Эдийн засаг, төсвийн байдал сайнгүй байгаа хэдий ч Шархадны эцсийн буудлаас Ээж хайрханы өвөрт баригдсан сургууль, цэцэрлэг хүртэл 2,5 км, Ботаникаас Улаанхуаран-Улиастай чиглэлийн замтай огтлолцох 2,050 км авто зам барих ажлыг нийслэлээс баримталж байгаа авто замын ерөнхий төлөвлөлттэй уялдуулан шийдвэрлэхээр боллоо.