С.САРУУЛ

Албан тушаалын байдлаа ашиглан өөрийн эзэмшлийн болон хамаарал бүхий компанидаа ЖДҮХС-гаас зээл авсан асуудалд холбогдсон УИХ-ын гишүүн асан Г.Солтаны шүүх хурал өнөөдөр /2020.07.20/ товлогдсон ч түүний өмгөөлөгч шүүх хуралдаан давхацсан шалтгаанаар хойшлуулах тухай хүсэлт ирүүлжээ. Иймээс Г.Солтаныг өмгөөлүүлэх эрхээр хангаж, шүүх хуралдааныг 2020 оны долдугаар сарын 29-ний өдрийн 09.00 цагт товлож, шүүгдэгч Г.Солтанд урьд авагдсан хувийн баталгаа гаргах таслан сэргийлэх арга хэмжээг хэвээр үлдээсэн байна.

Нийслэлийн прокурорын газраас Эрүүгийн хуульд заасны дагуу Улс төрд нөлөө бүхий этгээд өөрт болон бусдад эдийн засгийн давуу байдал бий болгосон гэмт хэрэг үйлдэхэд зориуд хүргэж, хатгагчаар хамтран оролцсон  гэмт хэрэгт Г.Солтаныг  холбогдуулан яллах дүгнэлт үйлдэж ирүүлжээ. Түүний зургаан  хавтас бүхий Эрүүгийн хэргийг тус шүүх 2020 оны зургадугаар сарын 17-ны өдөр хүлээн авчээ.

Эх сурвалж: www.polit.mn