С.САРУУЛ
Тулгар төрийн 2229, Их Монгол улсын 814 жил, Ардын хувьсгалын 99 жилийн ойн үндэсний их баяр наадам XIII зуун цогцолборт урианхай болон буриад сурын харваагаар эхэллээ.
Буриад сурын харвааны эрэгтэйчүүдийн төрөлд Өвөрхангай аймгийн харьяат, морин хуурч, нум урлаач, үндэсний сурын спортын мастер Х.Баасандорж 64 сумаас 60 онон түрүүлж, улсын мэргэн цол хүртлээ. Харин эмэгтэйчүүдийн төрөлд Өвөрхангай аймгийн Нарийнтээл сумын харьяат, үндэсний сурын улсын мэргэн Бадам-Очирын Пунсалдулам 64 сумаас 59 онон түрүүлж улсын мэргэн боллоо.
Харин урианхай сурын харваанд Ховд аймгийн Мөнххайрхан сумын харьяат, Жаргалант сумын харваач, спортын мастер Эрхэмбаярын Хосбаяр түрүүлж улсын мэргэн цол хүртсэн юм.
Долдугаар сарын 11-ний өдөр
Үндэсний сурын хана харвааны эхэн өрөг 08.30-12.00
Үндэсний сурын харвааны нээлт 11.40-12.40
Үндэсний сурын хана харвааны дунд өрөг 13.00-16.00
Үндэсний сурын хана харвааны адаг өрөг 16.00-17.30
Үндэсний сурын хасаа харвааны эхэн өрөг 17.30-20.30
Эх сурвалж: www.polit.mn