“Эхлүүлсэн бол дуусга”

2020-06-23
Нийтэлсэн: Админ
 3 мин унших

Ж.МИШЭЭЛ

 

Орчин үед залуусын дунд хувцсан дээр зурах урлаг дэлгэрч байгаатай холбогдуулан МУИС-ийн оюутан Б.Батцэцэгтэй ярилцлаа.

 

-Уран зурагтай хэзээ, хэрхэн танилцаж байсан бэ?

-Аав маань зураг зурдаг болохоор багаасаа л зурах урлагтай ойр байсан. Дөрөвдүгээр ангидаа “Монголын хүүхдийн ордон”-ы зургийн дугуйланд явж эхэлсэн. Зураг зурах үедээ төвлөрч, бодлоо цэгцэлж чаддаг учраас зурагтай нөхөрлөх их дуртай.

-Хэзээнээс хувцсан дээр зурж эхэлсэн бэ. Хүмүүс хэрхэн хүлээж авч байна?

-Нэг жилийн өмнөөс энэ төрлийг сонирхож эхлээд хагас жилийн өмнөөс хувцсан дээр зурдаг болсон. Анх өөрийнхөө хувцсан дээр зурж, туршдаг байсан. Хүмүүс эерэгээр хүлээн авч, урмын үг хэлж байсан нь цаашид захиалга авч хувцсан дээр зурдаг болоход минь их нөлөөлсөн. Одоогоор пүүз, жакет, цүнхэн дээр зурсан байгаа. Монголд хувцсан дээр зурдаг хүн цөөн байдаг. Гэхдээ сүүлийн үед энэ төрлийг сонирхох хүмүүс нэмэгдэж, кастом хийх сургалт хүртэл бий болсон байна лээ. Би бүх төрлөөр зурахыг илүүд үздэг. Уран зургаас гадна хана, хувцсан дээр зурдаг.

-Захиалгаа яаж авдаг вэ. Бүтээлүүд чинь дунджаар ямар үнэтэй вэ?

-Өөрийн бүтээлүүдийг бусдад танилцуулах зорилгоор “Ce” цахим хуудсыг жилийн өмнө нээж, захиалга авдаг болсон. Одоогоор 50 орчим захиалга авсан байна. Захиалгаар ихэвчлэн байгалийн зураг зурдаг. Сүүлийн үед залуу үеийнхнээс хувцсан дээр зураг зуруулах захиалга их ирж байна. Тиймээс энэ тал дээр илүү төвлөрч ажиллаж байгаа. Үнийн хувьд уран зураг маань хэмжээнээсээ шалтгаалан 50-100 мянга, хувцсан дээр ямар зураг зуруулахаас шалтгаалан 20-50 мянган төгрөг болдог. Аль болох бусдаас хямдаар хүргэхийг зорьж, зургийн хэрэгслийнхээ үнийг оруулж боддог.

-Нэг зурагт дунджаар ямар хугацаа зарцуулдаг вэ?

-Зургийн төрөл, хэмжээнээс хамаараад нэг цаг эсвэл 1-2 өдөр зарцуулах тохиолдол байдаг. Хувцсан дээр зурахад 6-7 цаг болдог. Зарим хүн зурагаа эхлүүлчихээд орхичихдог. Харин би “Эхлүүлсэн бол дуусга” гэсэн зарчим баримталдаг. Зурж дууссаны дараа үнэхээр сайхан мэдрэмж авдаг.

-Зураг зурах урам зоригоо юунаас авдаг вэ?

-Нам гүм орчинд дуу сонсох үед эсвэл байгалийн сайхныг хараад зурах хүсэл маань төрдөг. Мөн Youtube суваг дахь “Chuck Black Art”, “Jim Reno”, “Art of John Magne Lisondra” гэсэн хаягийг дагаж, энэ зураачдаас урам зориг авч, их зүйлийг сурдаг.

-Хувцсан дээр зурах нь ямар давуу талтай вэ?

-Хэдий хэвлэсэн шиг цэвэрхэн болохгүй ч хүн өөрийн хүссэн зүйлээ зуруулж, давтагдашгүй хэв маягийг бүтээх боломжтой. Зураачийн сэтгэл, хөдөлмөр шингэж, чамин хувцас бүтдэг нь хамгийн сайхан.

-Хувцсан дээр зурахад юуг анхаарах хэрэгтэй вэ?

-Эхлээд жижиг цаасан дээр зургийн ерөнхий хэлбэрийг гаргах хэрэгтэй. Мөн акрилк будгаар зурсны дараа арилгаж болдоггүй тул эхнээсээ нямбай, цэвэрхэн зурах хэрэгтэй. Хэрэв алдаа гаргавал яаж гоёор залруулж болох тал дээр өөрийн мэдрэмжээр хандах хэрэг гардаг. Хамгийн гол нь туршлагатай байх хэрэгтэй. Зураад л байх тусам сайжирдаг. Дөнгөж зурж сурч байгаа хүмүүс эхлээд хямд материал аваад туршиж үзээрэй гэж зөвлөмөөр байна. Мөн гадаадын зураачдын бичлэгийг үзэж, туршлага судлах хэрэгтэй.

-“Ce” цахим хуудас дээрээ усан будгаар зурах аргачлалыг оруулсан байсан. Цаашид сургалт явуулах бодол байгаа юу?

-Нэг удаа бага ангийн хүүхдүүдэд зураг зурах аргачлалыг заахад их дуртай хүлээж авсан. Үүнээс үүдэн илүү олон хүнд өөрийн мэдлэг, туршлагаасаа хуваалцахын тулд эхний ээлжинд усан будгаар зурах аргачлалыг цуврал зураг хэлбэрээр оруулсан байгаа. Цаашид бусад төрлийн зураг зурах дарааллыг бичлэгээр оруулж, сургалт явуулах бодолтой байна.

-Цаашдын зорилгоосоо хуваалцаач?

-Би хот төлөвлөлтийн мэргэжлээр сурдаг ч төгсөөд уран зургийн сургуульд сурах төлөвлөгөөтэй байгаа. Мэргэжлээрээ ажиллахын хажуугаар зурагаа орхилгүй илүү олон зураг зурж, туршлага хуримтлуулаад галерей нээхийг хүсдэг. Мөн надтай ижил хувцсан дээр зурах сонирхолтой хүмүүстэй хамтарч ажиллах бодол байна.

Эх сурвалж: “Зууны мэдээ” сонин

2020.6.23  МЯГМАР № 122 (6347)

 

2025 онд угаарын улмаас 30 иргэн нас баржээ

2025 онд угаарын улмаас 30 иргэн нас баржээ

Уржигдар 16 цаг 04 мин
С.Оюун: Би Ерөнхийлөгчийн сонгуульд нэр дэвшихгүй

С.Оюун: Би Ерөнхийлөгчийн сонгуульд нэр дэвшихгүй

Уржигдар 15 цаг 44 мин
Л.Энх-Амгалан: Ипотекийн зээлийн дараалалд орохын тулд 10-20 сая төгрөгийн авлига өгдөг

Л.Энх-Амгалан: Ипотекийн зээлийн дараалалд орохын тулд 10-20 сая төгрөгийн авлига өгдөг

Уржигдар 15 цаг 36 мин
Зээл олгох үйл ажиллагаанд МИК хөндлөнгөөс оролцох боломжгүй

Монголын Ипотекийн Корпораци ОССК” ХХК (МИК) нь орон сууцны хөнгөлөлттэй хүүтэй зээлийн хөтөлбөрт зарим үйл ажиллагааг хэрэгжүүлэх үүрэгтэйгээр оролцож байгаа ба Монголбанкнаас баталсан “Орон сууцны ипотекийн санхүүжилтийн журам”, “Ипотекийн зээлийн үйл ажиллагааны журам”-ын хүрээнд олгосон орон сууцны зээлийг Банкнаас худалдан авч, хөрөнгөөр баталгаажсан үнэт цаас гаргах үйл ажиллагааг гүйцэтгэдэг. “Орон сууцны ипотекийн санхүүжилтийн журам”-ын 4.2-д заасны дагуу Банк нь зээл хүсэгчид олгох орон сууцны ипотекийн зээлийн шийдвэрийг бие даан гаргахаар зохицуулсан байдаг бөгөөд зээл олгох үйл ажиллагаанд МИК хөндлөнгөөс оролцох боломжгүй юм.

Уржигдар 14 цаг 14 мин
УИХ-ын дарга Н.Учрал энэ сарын 9-нд ОХУ-д айлчилна

УИХ-ын дарга Н.Учрал энэ сарын 9-нд ОХУ-д айлчилна

Уржигдар 10 цаг 56 мин
Хулгайг цэгцэлснээр Үндэсний баялгийн сангийн хөрөнгө арвижлаа

Үндэсний баялгийн сангийн тухай хууль батлагдсанаар 2025 оны эцсийн байдлаар төрөлжсөн сангуудад 6.7 их н

Уржигдар 06 цаг 00 мин
Төсвийн хөрөнгө оруулалтын зардал 3.8 их наяд төгрөгөөр  нэмэгджээ

Монгол Улсын төсвийн хөрөнгө оруулалтын хэмжээ сүүлийн жилүүдэд ихээхэн нэмэгдэж байна. Тухайлбал, хөрөнгө

Уржигдар 06 цаг 00 мин
С.Шаарийбуу Малайз улсын дээд шүүхэд хандана

С.Шаарийбуу Малайз улсын дээд шүүхэд хандана

2026-02-05
Хугацаандаа ашиглалтад өгөхгүй бол концессын гэрээг цуцална

Засгийн газрын ээлжит хуралдаанаас гаргасан шийдвэрүүдийг тоймлон хүргэе.

2026-02-05
Б.Чойжилсүрэн сайдын “багц” дахь 79.98 тэрбумын зөрчил-2

“Зууны мэдээ” сонин Нийтийн эрх ашгийн төлөөх ээлжит бүтээлээрээ эрчим хүчний салбарын эдийн засгийн “догол

2026-02-05