Эрүүл мэндийн яамнаас баасан гараг бүр эрдэмтэн, судлаачдын бэлтгэсэн мэдээллийг хүргэдэг. Энэ удаа ЭМЯ-ны Чих, хамар, хоолойн мэргэжлийн салбар зөвлөлийн дарга, АУ-ны доктор, дэд профессор Э.Жаргалхүү мэдээлэл өгч байна.

2019 оны арванхоёрдугаар сараас эхлэн коронавируст халдвар дэлхий нийтийг цочроосон. Энэ нь маш аюултай байдалд хүрээд байна. Эрүүл мэндийн салбарт эрчимтэй судалгаа, шинжилгээний ажлуудыг хийж байна. 2020 оны нэгдүгээр сараас хойш чих хамар хоолойн дэлхийн эрдэмтэд тандалт судалгааны ажлууд хийж эхэлсэн.

Австралийн эрдэмтдийн хийсэн анхдагч судалгаагаар COVID-19 халдвараар өвчилсөн хүмүүсийн 54 хувьд нь ханиалга, 46 хувьд нь хоолой торж өвдөх, 40 хувьд нь нус гарах, 35 хувьд нь амьсгаадах шинж тэмдэг илэрсэн байна.