Т.САЙХАН

МАН-ын бага хурал завсарлаж, Удирдах зөвлөлийн хурал эхэлжээ. Тус намаас 76 тойрогт нэр дэвшигчид ерөнхийдөө тодорсон бөгөөд намын дарга У.Хүрэлсүх нэр дэвших хүмүүсийн нэрийг маргааш 11.00 цагт албан ёсоор зарлахаар болжээ.

Энэ удаагийн сонгуулийг өнжихөөр болсноо хэд хэдэн хүн албан ёсоор мэдэгдээд байна.  Тухайлбал,  УИХ-ын гишүүн Ц.Гарамжав, Ж.Энхбаяр нар мэдэгдлээ. Энэ үеэр Ж.Энхбаяр “Би УИХ-д 12 жил суулаа. Тавьсан зорилгодоо бүрэн хүрлээ. 100 хувь биелүүлсэн. Улс төрч хүн зорилготой байх ёстой. Түүндээ хүрсэн. Намайг улс төргүйгөөр төсөөлөх аргагүй. Намаа ялуулахын төлөө өөрөөс хамаарах бүхнийг хийнэ. 2024 оны сонгуульд нэр дэвших эсэхээ одоо хэлэх боломжгүй. Тухайн үеэс шалтгаална” гэсэн байна. Харин Ц.Гарамжавын хувьд залуу үеийн төлөөлөлд боломж олгож энэ удаа өнжинө гэжээ.

Түүнчлэн МАН-ын бага хурлаар намын ажилд идэвхтэй оролцдоггүй, дотоод дүрэм зөрчсөн зэрэг шалтгаанаар 21 хүнийг МАН-ын Бага хурлын гишүүнээс хассан байна. Хасагдсан хүмүүс дотор УИХ-ын гишүүн Д.Ганболд, Н.Номтойбаяр нарын хүмүүс багтсан гэх мэдээлэл байгаа юм.

Харин МАН-ын Бага хурлын гишүүнээр "Ийгл" телевизийн хөтлөгч, сэтгүүлч Б.Жаргалмаа, “Монгал товчоон” нэвтрүүлгийн продюссер П.Анужин, МУИС-ийн Захиргаа, дотоод хамтын ажиллагаа хариуцсан дэд захирал, доктор, профессор Ч.Ундрам, "Шри шри" йог бясалгалын төвийн багш Д.Гантөгс нарыг сонгожээ. 

Эх сурвалж:www.polit.mn