Ч.ОЛДОХ УИХ дахь МАН-ын бүлэг өнөөдөр  2020 оны төсвийн  төслийг хэлэлцсэн байна. Засгийн газраас өргөн барьсан хуулийн төсөл дээр  УИХ-ын даргын захирамжаар ажлын хэсгүүд гарч хэд хэдэн   хувилбар боловсруулсан. Төсвийн зардлыг  250 тэрбум төгрөгөөр  бууруулж,  зарим зардлыг нэмж тооцсоны дотор    ХСҮТ болон   томоохон эмнэлгүүдийн төхөөрөмжийг шинэчлэх, хавдрын эрт оношлогоог илрүүлэх чиглэлээр зардлыг тусгажээ.  Улаанбаатар хотын  хэмжээнд  ЕБС-ын зургаан сургуулийг шинээр  барих бөгөөд нийслэлээс 319.3 тэрбум төгрөгийг төсөвт   төвлөрүүлэхээр тусгасан. Гэсэн ч  нийслэлээс сонгогдсон гишүүд  зардлыг  бууруулж өгөх хүсэлт  тавьжээ. Ардын намын гишүүд  Элчин сайд нарыг томилох асуудлаар  Ерөнхийлөгчөөс оруулж ирсэн саналыг бүрэн  дэмжсэн бол  Ашигт малтмалын нөөц ашигласны төлбөр /АМНАТ/-ийг чөлөөлвөл   2020 орны төсөвт 1.2 их наяд дутахаар байна гэдэгт байр сууриа нэгтгэжээ. Эх сурвалж: www.polit.mn